पाँचथर । पाँच दिने भ्रमणका लागि इलाम हुँदै पाँचथर पुगेका पूर्वराजा ज्ञानेन्द्र विक्रम शाहलाई स्थानीय सर्वसाधारणले रातो कार्पेट ओछ्याएर स्वागत गरेका छन् । पूर्वराजा ज्ञानेन्द्रले मंगलबार पाँचथरको फिदिमस्थित गडीमा रहेको गडीमाईको दर्शन तथा पूजा आराधना गरेका छन् भने वेलुकी यहाँस्थित मनस्वी होटलमा मुकाम बनाउने छन् ।
पाँचथर । पाँच दिने भ्रमणका लागि इलाम हुँदै पाँचथर पुगेका पूर्वराजा ज्ञानेन्द्र विक्रम शाहलाई स्थानीय सर्वसाधारणले रातो कार्पेट ओछ्याएर स्वागत गरेका छन् । पूर्वराजा ज्ञानेन्द्रले मंगलबार पाँचथरको फिदिमस्थित गडीमा रहेको गडीमाईको दर्शन तथा पूजा आराधना गरेका छन् भने वेलुकी यहाँस्थित मनस्वी होटलमा मुकाम बनाउने छन् । पूर्वराजा ज्ञानेन्द्रको मुकाम रहेको मानस्वी होटल जाने सडकमा पूर्वराजाको स्वागतमा रातो कार्पेट विच्छाइएको हो ।
पूर्वराजा ज्ञानेन्द्र मन्दिरमा दर्शन गर्न जाँदा र फर्किने क्रममा उनको पक्षमा स्थानीयले जयजयकार गर्दै ‘हाम्रो राजा हाम्रो देश प्राण भन्दा प्यारो छ’, ‘राजा आउ देश बचाउ’ जस्ता नारा लगाएका थिए । सडकमा सयौंको संख्यामा महिला–पुरुष, यूवायुवती–वृद्धवृद्धाहरु पूर्वराजाको स्वागतमा विच्छाइएको कार्पेटको वरिपरि पुष्पगुच्छासहित लामवद्ध थिए ।
यसैबीच स्वागतको क्रममा लामवद्ध रहेका वृद्धवृद्धा वालवालिकाहरुको पीडा गुनासो पूर्वराजा ज्ञानेन्द्रले धर्यपूर्वक सुनेका थिए । सोही क्रममा सुरक्षाकर्मीबाट पछि हट्न निर्देशन दिएर हटाइएका वालकलाई काखमा लिएर पूर्वराजा ज्ञानेन्द्रले ती वालकको कुरो सुनेका थिए भने उनीसँगै फोटो पनि खिच्न अनुमति दिएका थिए ।
त्यस्तै वृद्धवृद्धाले पनि आफूहरुले भोगेको पीडा खुलेर पूर्वराजा ज्ञानेन्द्रसँग निर्धक्क बताइरहेका थिए । सो क्रममा पूर्वराजा ज्ञानेन्द्रले स्थानीय यूवा विद्यार्थीलगायत अन्य नागरिकसँग समेत भलाकुसारी गरेका थिए ।
यसरी नागरिकले आफ्नो भ्रमणका क्रममा सुनाउने गुनासो तथा पीडालाई पूर्वराजा ज्ञानेन्द्रले विभिन्न समयमा दिने सन्देशमार्फत राज्यलाई सचेत गराउने गर्दछन् । सायद नयाँ वर्षको शुभकामना सन्देशमार्फत उनले केही महिनादेखिको आफ्नो भ्रमणमा बटुलेका मुलुक र मुलुकवासीका चिन्ता, पीडा, आक्रोस एवं गुनासोका बारेमा राज्य अर्थात् सरकारलाई सचेत गराउने अपेक्षा गरिएको छ ।
पूर्वराजा ज्ञानेन्द्रले देशवासी नागरिकहरुको गुनासो सुन्न तथा देशका विभिन्न भागमा अवस्थित विभिन्न देवीदेवताको मठ मन्दिर तथा देवालयको दर्शन पूजाआराधना गर्न गएको पुसदेखि निरन्तर भ्रमण गरिरहेका छन् ।