Hamro Khabar

बैंकर्स संघमा अध्यक्ष भुवन दाहालसहित नयाँ कार्यसमिति सदस्यले गरे पदभार ग्रहण

हाम्रोखबर आइतबार, पौष २० २०७६

काठमाडौं । नेपाल बैंकर्स संघका नवनिर्वाचित अध्यक्ष भुवन दाहालले पदभार ग्रहण गरेका छन । शनिबार पोखरामा आयोजना गरिएको एक कार्यक्रममा दाहालको नेतृत्वमा चयन नयाँ कार्य समितिले पदभार ग्रहण गरेका हुन् ।
उपाध्यक्षमा नेपाल एसबिआइ बैंकका प्रमुख कार्यकारी अधिकृत अनुकुल भटनागर चयन भएका छन् । भाटनगर दोस्रो कार्यकालका लागि पुनःउपाध्यक्षमा सर्वसम्मत निर्वा्िचत भएका हुन् । त्यस्तै संघको कार्यसमिति सदस्यहरुमा नेपाल क्रेडिट एण्ड कमर्श बैंकका सीईओ रमेशराज अर्याल, सिभिल बैंकका सीईओ गोविन्द गुरुङ र माछापच्छ्रे बैंकका सीईओ सुमन शर्मा समेत सोही पदमा सर्वसम्मत निवार्चित भएका छन् ।
त्यसै गरी सदस्यहरुमा सनराइज बैंकका प्रमुख कार्यकारी अधिकृत जनक शर्मा पौड्याल, एनएमबि बैंकका प्रमुख कार्यकारी अधिकृत सुनिल केसी, मेगा बैंककी प्रमुख कार्यकारी अधिकृत अनुपमा खुञ्जेली र नेपाल बैंकका प्रमुख कार्यकारी अधिकृत कृष्णबहादुर अधिकारी चयन भएका थिए ।

दाहाल करिब एक महिना अघि नै अध्यक्षमा सर्वसम्मत निर्वा्िचत भए पनि पदभार ग्रहण भने गरेका थिएनन् । भुवन दाहाल सानिमा बैंकका प्रमुख कार्यकारी अधिकृत हुन् । दाहालको नेतृत्वमा गत महिना नयाँ कार्यसमिति सर्बसम्मतले चयन भएको थियो ।