सुनसरी । अख्तियार दुरुपयोग अनुसन्धान आयोगले वीपी कोइराला स्वास्थ्य विज्ञान प्रतिष्ठान धरानका पूर्व रजिष्ट्रार तुलबहादुर श्रेष्ठसहित ४ जनाविरुद्ध मुद्दा दायर गरेको छ । मंगलबार पूर्व रजिष्ट्रर श्रेष्ठसहित चारविरुद्ध विशेष अदालतमा मुद्दा दायर गरिएको हो । अख्तियारले श्रेष्ठसँगै प्रतिष्ठानको आर्थिक प्रशासन प्रमुख रुपा सिंघाची अग्रवाल र क्लर्कद्धय चन्द्रकुमार मगर र रमेशकुमार खतिवडाविरुद्ध अदालतमा मुद्दा दायर गरेको छ ।
सुनसरी । अख्तियार दुरुपयोग अनुसन्धान आयोगले वीपी कोइराला स्वास्थ्य विज्ञान प्रतिष्ठान धरानका पूर्व रजिष्ट्रार तुलबहादुर श्रेष्ठसहित ४ जनाविरुद्ध मुद्दा दायर गरेको छ । मंगलबार पूर्व रजिष्ट्रर श्रेष्ठसहित चारविरुद्ध विशेष अदालतमा मुद्दा दायर गरिएको हो ।
अख्तियारले श्रेष्ठसँगै प्रतिष्ठानको आर्थिक प्रशासन प्रमुख रुपा सिंघाची अग्रवाल र क्लर्कद्धय चन्द्रकुमार मगर र रमेशकुमार खतिवडाविरुद्ध अदालतमा मुद्दा दायर गरेको छ । अख्तियारका अनुसार उनीहरुले मिलेमतोमा विल भरपाई नराखी एवं भौचरसमेत नउठाई चेकमार्फत प्रतिष्ठानको खाताबाट ५ लाख ५० हजार रुपैयाँ भुक्तानी दिएका थिए । भुक्तानी दिनुपर्ने आधार, कारण तथा बिल भरपाई बिना नै जीबन पौडेलको नाममा चेक जारी गरी ५ लाख ५० हजार रुपैयाँ सरकारी रकम हिनामिना भएको अनुसन्धानबाट पुष्टि भएको अख्तियारले बताएको छ ।
प्राप्त जानकारी अनुसार गत बैशाख २३ गते प्रतिष्ठानसँग कारोबार तथा कुनै पनि सरोकार नभएको तनहुँका जीबन पौडेलको नाममा काटिएको चेक एनआइसि एसियाको मोरङको इन्द्रपुर शाखाबाट साटिएको थियो । चेकमा तत्कालिन रजिष्ट्रार श्रेष्ठ र आर्थिक प्रशासन शाखा प्रमुख सिंघाचीको हस्ताक्षर थियो । दुवैले चेकमा आफुहरुले हस्ताक्षर नगरेको र किर्ते गरिएको दाबी गर्दै आएका थिए ।
घटनाबारे उजुरी परेपछि अख्तियारले अनुसन्धान थालेको थियो । अनुसन्धानबाट चेक साटिएको रहस्य खुल्न बाँकी रहदा नै केही समयअघि प्रतिष्ठानको खातामा ५ लाख ५० हजार रुपैयाँ रहस्यमय तरिकाले जम्मा भएको थियो । यही घटनामा अख्तियारले मिलेमतो गरी सरकारी रकम हिनामिना भएको ठहर गरेको हो । अख्तियारले उनीहरुमाथि ५ लाख ५० हजार बिगो कायम गरी चारै जनाबाट असुलउपर गर्न माग गरेको छ । त्यस्तै मुद्दा दायर गरिएकाहरु बहालवाला पदाधिकारी एवं कर्मचारी भए स्वतः निलम्बनमा पर्ने अख्तियारले जनाएको छ ।