Hamro Khabar

बिहैको भोलिपल्टै श्रीमतीको हत्या, तीन जना पक्राउ

हाम्रोखबर आइतबार, मङ्सिर २९ २०७६

श्रीमतीको हत्या आरोपमा सिद्धलेक गाउँपालिका–३ बाट प्रहरीले तीन जनालाई पक्राउ गरेको छ । सो गाउँपालिका–३ आमकोटकी २० वर्षीया अनिषा तामाङलाई गत मङसिर १० गते हत्या गरेर सेफ्टीट्याङ्कीमा हालेर बेपत्ता पारिएको थियो ।

धादिङ । श्रीमतीको हत्या आरोपमा सिद्धलेक गाउँपालिका–३ बाट प्रहरीले तीन जनालाई पक्राउ गरेको छ ।
सो गाउँपालिका–३ आमकोटकी २० वर्षीया अनिषा तामाङलाई गत मङसिर १० गते हत्या गरेर सेफ्टीट्याङ्कीमा हालेर बेपत्ता पारिएको थियो ।
मृतक तामाङको शव शौचालयको सेफ्टीट्याङ्कीमा ब्ल्याङ्केटले बेरेर फालिएको अवस्थामा भेटिएपछि उनका पति २३ वर्षीय अर्जुन थापामगर, ३२ वर्षीय छवि थापामगर र ४७ वर्षीय इन्द्र थापामगरलाई प्रहरीले पक्राउ गरिएको जिल्ला प्रहरी कार्यालयका सूचना अधिकारी रुपक खड्काले जानकारी दिए ।
मृतक तामाङको शव परीक्षणका लागि जिल्ला अस्पताल राखिएको छ ।

अनिशालाइ थापामगरले अघिल्लो दिनमात्र बिहे गरेर भित्र्रयाएका थिए । मंसिर १० गते दिउँसोसम्म नयाँ दुलहीलाई देखेका गाउँले भोलिपल्ट देखि देखेका थिएनन् । गाउँलेले सोध्दा माइती गएकि भनेर ढोटेका तामाङको घरबाट दुर्गन्ध आउन थालेपछि अनिशाको खोजी भएको थियो ।

घटनाको थप अनुसन्धान गरिने उनले वताए ।