काठमाडौँ । नेपाली कांग्रेसका सभापति शेरबहादुर देउवा असन्तुष्ट वरिष्ठ नेता रामचन्द्र पौडेललाई फकाउन उनकै निवास पुगेका छन् । सभापति देउवा उनलाई फकाउनका लागि शनिबार उपसभापति विमलेन्द्र निधिलाई लगेर बोहोराटार पुगेका हुन् । वरिष्ठ नेता पौडेल निवास बोहोराटारमा देउवा–पौडेल छलफल भएको छ ।
काठमाडौँ । नेपाली कांग्रेसका सभापति शेरबहादुर देउवा असन्तुष्ट वरिष्ठ नेता रामचन्द्र पौडेललाई फकाउन उनकै निवास पुगेका छन् ।
सभापति देउवा उनलाई फकाउनका लागि शनिबार उपसभापति विमलेन्द्र निधिलाई लगेर बोहोराटार पुगेका हुन् ।
वरिष्ठ नेता पौडेल निवास बोहोराटारमा देउवा–पौडेलबीच छलफल भएको छ । कांग्रेसमा विभाग गठन र महाधिवेशनको विषयलाई लिएर संस्थापन पक्ष तथा नेता रामचन्द्र पौडेल र कृष्णप्रसाद सिटौला पक्षबिच विवाद बढिरहेका बेला सपभापति देउवाले नेता पौडेललाई विश्वासमा लिन प्रयास गरेका हुन्।
मंसिर २५ गते बुधबार बसेको कांग्रेस केन्द्रीय समिति बैठक नेता पौडेल र सिटौला पक्षले बहिस्कार गरेको थियो । तर पनि संस्थापन पक्षले एकलौटी आधारमा विभागको संख्या २८ बाट ४१ बनाउने निर्णय सो बैठकबाट गरेपछि विवाद थप बढेका बेला देउवाले पौडेललाई फकाउने प्रयास थालेका हुन् । संस्थापन पक्षको निर्णयमा नेता पौडेल र सिटौला पक्षले असहमति जनाएका छन् ।
यस्तै नियमित अवस्था नेपाली कांग्रेसको महाधिवेशन आउँदो फागुनमा हुनु पर्ने हो । तर सभापति देउवाले आफ्नो कार्यकाल एक वर्ष थप गर्ने रणनीति बनाएपछि पौडेल र सिटौला पक्ष रुष्ट छ । कांग्रेसको विधानमा कारण देखाएर केन्द्रीय कार्यसमितिको म्याद एक वर्ष थप्ने सकिने व्यवस्था छ ।