काठमाडौँ । राष्ट्रिय प्रजातन्त्र पार्टीका अध्यक्ष कमल थापाले धर्म सँस्कृतिको रक्षाबाट सभ्य र सु-संस्कृत समाज निर्माण हुने बिचार व्यक्त गरेका छन् । काठमाडौँको बसुन्धरामा बसुन्धरा युवा सुधार समितीद्वारा आयोजित धार्मिक कार्यक्रममा बोल्दै थापाले आफ्ना गौरवशालि इतिहास, मूल्य मान्यताको जगेर्ना गर्नको निमित्त युवा पुस्ता अग्रसर हुनुपर्नेमा जोड दिए ।
काठमाडौँ । राष्ट्रिय प्रजातन्त्र पार्टीका अध्यक्ष कमल थापाले धर्म सँस्कृतिको रक्षाबाट सभ्य र सु-संस्कृत समाज निर्माण हुने बिचार व्यक्त गरेका छन् । काठमाडौँको बसुन्धरामा बसुन्धरा युवा सुधार समितीद्वारा आयोजित धार्मिक कार्यक्रममा बोल्दै थापाले आफ्ना गौरवशालि इतिहास, मूल्य मान्यताको जगेर्ना गर्नको निमित्त युवा पुस्ता अग्रसर हुनुपर्नेमा जोड दिए ।
कुनै पनि देशको आफ्नो विशिष्ट मौलिक पहिचान हुने गर्दछ ,त्यसको रक्षाबाट नै मुलुकको समग्र प्रगती हुने भन्दै उनले अराजकता, व्यभिचारी र दुराचारी भावनाको अन्त्य गर्न पनि धर्म सस्कृतिको भुमिका महत्त्वपूर्ण हुने बताए । थापाले मानिसमा सकारात्मक भावनाको विकास सङ्गै सत्कर्म र सत्प्रयासको मार्गमा लाग्नको निमित्त तथा आपसी सद्भाव र एकता कायम गर्नको निमित्त धार्मिक र आध्यात्मिक जागरण आबश्यक भएको चर्चा गरे ।
हत्या, हिंसा, बलात्कार, भ्रस्टाचार जस्ता बिकृती र बिसङ्गतीको अन्त्य अहिलेको प्रमुख आवश्यकता भएको भन्दै थापाले बढ्दो धर्म परिवर्तन प्रती चिन्ता व्यक्त गरे । कार्यक्रममा सहयोग गर्ने र समाजका महत्त्वपूर्ण व्यक्तिहरुलाई थापाले सम्मान एवं प्रशंसापत्र पनि वितरण गरे ।