Hamro Khabar

जनकपुर बमकाण्डमा पूर्वराज्यमन्त्री सञ्जय साहसहित ७ लाई जन्मकैद

हाम्रोखबर बिहीबार, चैत्र १४ २०७५

काठमाडौं । जिल्ला अदालत धनुषाले ६ वर्षअघि जनकपुरको रामानन्द चोकमा पाँच जनाको ज्यान जाने गरी भएको बम विस्फोटको घटनामा पूर्वराज्यमन्त्री सञ्जय साहसहित ७ जनालाई जन्मकैदको सजाय सुनाएको छ । एकलाई ५ वर्षको जेल सजाय र अर्का एकजनाले सफाई पाएका छन । जन्मकैदको सजाय पाउनेमा सञ्जय साह ‘टक्ला’ सहित अर्जुन सिंह भनिने मुकेश चौधरी, राजन मुक्ति भनिने रञ्जित झा, जयप्रकश चौधरी, मुकेशकुमार कर्ण, सुरेश कर्ण, रिपेन्द झा छन् ।

काठमाडौं । जिल्ला अदालत धनुषाले ६ वर्षअघि जनकपुरको रामानन्द चोकमा पाँच जनाको ज्यान जाने गरी भएको बम विस्फोटको घटनामा पूर्वराज्यमन्त्री सञ्जय साहसहित ७ जनालाई जन्मकैदको सजाय सुनाएको छ । एकलाई ५ वर्षको जेल सजाय र अर्का एकजनाले सफाई पाएका छन ।
जन्मकैदको सजाय पाउनेमा सञ्जय साह ‘टक्ला’ सहित अर्जुन सिंह भनिने मुकेश चौधरी, राजन मुक्ति भनिने रञ्जित झा, जयप्रकश चौधरी, मुकेशकुमार कर्ण, सुरेश कर्ण, रिपेन्द झा छन् ।
२०६९ साल वैशाख १८ गते भएको विस्फोटमा ५ जनाको ज्यान गएको थियो । विस्फोटमा रंगकर्मी रञ्जु झा, झंगरु मण्डल, विमलशरण दास, सुरेश उपाध्याय र दीपेन्द्र दासको मृत्यु भएको थियो ।

पूर्वराज्यमन्त्री साह २०६४ सालको चुनावमा तत्कालीन संघीय समाजवादी फोरमका तर्फबाट धनुषा–४ तथा दोस्रो संविधानसभा चुनावमा सद्भावनाका तर्फबाट धनुषा–३ बाट विजयी भएका थिए । उनी विजयकुमार गच्छदार भौतिक योजना मन्त्री रहेको समयमा राज्यमन्त्री बनेका थिए ।
बिहीबार धनुषा जिल्ला अदालतका न्यायाधीश राजेशकुमार कटुवालको इजलासले ७ जनालाई जन्मकैदको फैसला सुनाएको श्रेस्तेदार राधाकान्त झाले जानकारी दिए ।