काठमाडौं । राप्रपाको भातृ संगठन प्रवासी नेपाली एकता समाज (पानस) को अधिवेशन यहि डिसेम्बर १ मा वाल्टिमोरमा हुने भएको छ । अधिवेशनको प्रमुख आतिथ्यता राप्रपा अध्यक्ष कमल थापाले गर्ने भएका छन ।
स्थानीय समय अनुसार, विहान १० वजे 2906 Taylor Ave Baltimore MD 21234 वाना सामुदायिक भवनमा सुरू हुने उक्त कार्यक्रम दिउसो १ वजेपछि बन्द सत्रमा परिणत हुने आयोजक वाल्टिमोमा रहेका राप्रपा (प्रवास) सहायक महामन्त्री प्रेम कुमार श्रेष्ठले जानकारी दिए । उनले राजावादी,हिन्दुवादी राष्ट्रवादी हरूको अमेरिकामा उल्लेख्य उपस्थिति रहेकोले अधिवेशन भव्य हुने दाबी गर्दै अधिवेशनको सवै तयारी पूरा भएको वताए।
न्युयोर्क, टेक्सास,वाल्टिमोर,वोष्टन लगायत अमेरिकाको विभिन्न च्याप्टरवाट उक्त अधिवेशनमा प्रतिनिधित्व हुने जनाइएको छ । हाल अमेरिका लगायत विश्वभरका २५ भन्दा वढि मुलुकमा राप्रपा समर्थित प्रवासी नेपाली एकता समाजको संगठन रहेको छ ।
राप्रपा प्रवास विभाग प्रमुख विजय खडकाको अनुसार अध्यक्ष थापाको वाल्टिमोरमा हुने अधिवेशनपछि डिसेम्बर २ मा ड्यालसमा नेपाली समुदायलाई सम्वोधन र अन्तक्रिया कार्यक्रममा सहभागि हुने कार्यक्रम छ । त्यस्तै डिसेम्बर ४,५ मा अध्यक्ष थापाले वासिङ्टनमा हुने अन्तर्रा्ष्ट्रिय डेमोक्रेटिक युनियनको राजनीतिक सम्मेलनमा सम्वोधन गर्नेछन । उक्त कार्यक्रममा राप्रपा सहायक महामन्त्री तथा प्रवास संघ प्रमुख प्रेम कुमार श्रेष्ठ तथा प्रवास अमेरिका अध्यक्ष लोक तिवारीको पनि सहभागिता रहने खड्काले जानकारी दिए ।