Hamro Khabar

समाजवादी सरकारबाट तत्काल नहट्ने

हाम्रोखबर बिहीबार, कात्तिक २८ २०७६

काठमाडौँ । तत्कालीन नयाँ शक्ति र संघीय समाजवादी मिलेर बनेको समाजवादी पार्टीले तत्काल सरकार नछाड्ने भएको छ । यसअघि सरकार छाड्नुपर्ने मत राख्दै आएका संघीय परिषद् अध्यक्ष डा. बाबुराम भट्टराईले नै मध्यमार्गी प्रस्ताव राखेपछि समाजवादीले तत्काल सरकार नछाड्ने भएको हो ।

बिहीबार बसेको पार्टीको पहिलो संघीय परिषद् बैठकमा भट्टराईले मध्यमार्गी प्रस्ताव पेश गरेका हुन् । बहिर्गमन तत्काललाई टरेपनि लामो समय सरकारमा बसिरहने अवस्था भने नभएको नेताहरुको भनाई छ ।

बुधबार बसेको पदाधिकारी बैठकमा पनि सरकारमा बसिरहने कि छाड्ने भन्ने बहस भएको थियो । पार्टी एकता गर्दादेखि नै भट्टराई पक्षले तत्काल सरकार छाड्नुपर्ने मत राख्दै आएको छ तर अध्यक्ष उपेन्द्र यादव पक्ष सहमत भएको छैन ।