Hamro Khabar

निदान अस्पतालका सिइओसहित ५ जनालाई जेल चलान

हाम्रोखबर बुधबार, कात्तिक २७ २०७६

मिर्गौलातस्करी आरोपमा पक्राउ परेका निदान अस्पतालका सिइओ र चिकित्सक सहित ५ जनालाई जेल चलान गरिएको छ ।

काठमाडौं । मिर्गौला तस्करी आरोपमा पक्राउ परेका निदान अस्पतालका सिइओ र चिकित्सक सहित ५ जनालाई जेल चलान गरिएको छ ।
नक्कली व्यक्तिलाई बिरामीको भान्जा बनाएर मिर्गौला प्रत्यारोपण गरेको आरोप लागेका उनीहरुलाई मंगलबार ललितपुर जिल्ला अदालतले पुर्पक्षको लागि जेल चलान गरेको हो ।
अस्पतालका प्रमुख कार्यकारी अधिकृत विपेन्द्र प्रधान, चिकित्सक। राजेश पन्त, कानुनी सल्लाहकार कुमुद भट्टराई, ललितपुर जिल्ला प्रशासन कार्यालयका तत्कालीन अधिकृत रामचन्द्र आले र मिर्गौला लिने शंकरलाल लामालाई जेल चलान गर्ने आदेश दिएको हो ।

बिरामीको भान्जा भनेर नातानै नपर्ने व्यक्तिको मृर्गौला खरिद–बिक्र्रीे गरेको भन्दै नेपाल प्रहरीको मानव बेचबिखन अनुसन्धान ब्युरोले ५ जनालाइ पक्राउ गरेको थियो ।