Hamro Khabar

‘बारमा स्वतन्त्र कानून व्यावसायीहरुले जित्नुपर्छ’

हाम्रोखबर मङ्गलबार, चैत्र १२ २०७५

काठमाडौं । नेपाल बार एशोसिएशनको आसन्न निर्वाचनका एक स्वतन्त्र प्रत्यासीले नेपाल बार स्वतन्त्र हुनका लागि स्वतन्त्र कानून व्यवसायीहरुले नै जित्नुपर्ने बताएका छन । प्रदेश ३ को उपाध्यक्ष पदका लागि उम्मेद्वारी दिएका अधिवत्ता भुपेन्द्रप्रसाद पोखरेलले हाम्रोखबरसँग भने, ‘राजनीतिक आस्थाका समूह र प्यानलले जित्दा बार स्वतन्त्र हुँदैन र काम समेत गर्न सक्दैन ।’ त्यसको प्रत्यक्ष असर न्यायलयमा पर्ने उनको भनाई छ ।
नेपाल बार एशोसिएसनको नयाँ नेतृत्वका लागि यही १६ गते निर्वाचन हुँदैछ ।
पोखरेलले नेपाल बार सबै आस्थाका कानून व्यवसायीहरुको छाता संगठन भएकोले यसमा सर्वपक्षीय प्रतिनिधित्व भएमा मात्र यो संस्था बलियो र प्रभावकारी हुन्छ भन्ने मान्यताका निर्वाचनमा सहभागी भएको पनि बताए ।