काठमाडौं । बंगलादेशका राष्ट्रपति मोहम्मद अब्दुल हमिदको आजदेखि सुरु हुने नेपाल भ्रमणमा दुई देशबीच नयाँ सहमति वा सम्झौता नहुने भएको छ । सद्भावना भ्रमण भनिएको भ्रमणका क्रममा विगतमा भएका सम्झौताहरूको कार्यान्वयनका जटिलताका बारेमा भने छलफल हुने सरकारले जनाएको छ ।
काठमाडौं । बंगलादेशका राष्ट्रपति मोहम्मद अब्दुल हमिदको आजदेखि सुरु हुने नेपाल भ्रमणमा दुई देशबीच नयाँ सहमति वा सम्झौता नहुने भएको छ ।
सद्भावना भ्रमण भनिएको भ्रमणका क्रममा विगतमा भएका सम्झौताहरूको कार्यान्वयनका जटिलताका बारेमा भने छलफल हुने सरकारले जनाएको छ ।
बंगलादेशका लागि नेपाली राजदूत वंशिधर मिश्रका अनुसार भ्रमणका क्रममा अहिले भएका सम्झौताहरूमा अनौपचारिक छलफल हुनेछन । उनी भन्छन, ‘त्यसले एउटा सहजता ग्रहण गर्नेछ तर औपचारिक नयाँ सहमति वा सम्झौता चाहिँ हुँदैन ।’
दक्षिण एशियाका निकट छिमेकी देश भए पनि नेपाल र बंगलादेशबीच सम्पर्क सञ्जाल अझै पनि सीमित छ। यसप्रति दुवै देश सचेत हुँदै गएको देखिएको बेला भएको यो उच्चस्तरीय भ्रमणलाई महत्वपूर्ण मानिएको छ।
बंगलादेशले आर्थिक विकास गरिरहँदा दुई देशबीच व्यापारिक कारोबारमा केही वर्षयता भने वृद्धि हुँदै आएको छ। तर नेपाल र बंगलादेश बीच हुने गरेको व्यापारमा नेपाललाई घाटा भने धेरै छ।
नेपालबाट बंगलादेश निकासी हुने वस्तुमा मुसुरोको दाल, चिराइतो, डाबर नेपालका उत्पादन र रिठ्ठो पर्छन्। नेपालबाट निर्यात हुने वस्तुमा बंगलादेशल ११० प्रतिशतसम्म भन्सार महसुल लिने गरेको बताइन्छ। यो दर घटाउन व्यवसायीहरूले माग गर्दै आएका छन्।
राजदूत मिश्र भन्छन,‘नेपाली घागो त्यहाँ निर्यात हुन्छ। त्यसमा भएका अवरोधहरू फुकाउने कुरा भएको छ।’
पछिल्ला दिनमा नेपालको विद्युत निर्यात गर्न सकिने देशका रूपमा पनि बंगलादेशलाई हेरिएको छ।