काठमाडौं । राष्ट्रिय प्रजातन्त्र पार्टीले बिभिन्न पदमा नेताहरुको मनोनयसँगै पदाधिकारीको संख्या थप गरेको छ । राप्रपा अध्यक्ष कमल थापाले मंगलबार पार्टीको विधान अनुसार मौजुदा पदाधिकारीको संख्यामा थप  गर्दै  नेताहरुको मनोनयन गरेका हुन । अध्यक्ष थापाले वरिष्ठ उपाध्यक्षमा बुद्धिमान तामाङ्ग(धादिङ) र राजीव पराजुली (पर्सा)लाई मनोनयन गरेका छन । 

यसैगरी  उपाध्यक्षहरुमा प्रेम बहादुर भण्डारी (बाँके), टंक ढकाल (भोजपुर), नरेन्द्र बहादुर चन्द (बैतडी), तोरण बहादुर गुरुङ्ग (स्याङ्गजा), रोशन कार्की (ललितपुर), भिम प्रसाद गौचन (म्याग्दी), र महेशलाल महासेठ (सिरहा) मनोनित भएका छन ।

महामन्त्रीहरुमा राजेन्द्र लिङ्देन (झापा) र डा.श्री धवल शम्शेर जबरा (बाँके) रहेका छन भने प्रवत्ताहरुमा  सुशील श्रेष्ठ (महोत्तरी), भुवन पाठक (काठमाण्डौ) र नीलकण्ठ काफ्ले (नवलपुर) मनोनित भएका छन ।

त्यस्तै सह–महामन्त्रीहरु चन्द्र बहादुर गुरुङ्ग (कैलाली), कुन्ती शाही (दैलेख), दिपक बहादुर सिंह (मकवानपुर), भक्ति प्रसाद सिटौला (झापा), अर्जुन राई (खोटाङ्ग), भरत रायमाझी (काठमाण्डौ) रहेका छन । सहायक महामन्त्रीहरुमा लिलादेवी श्रेष्ठ (इलाम) र मदन बहादुर कार्की (स्याङ्गजा) मनोनित भएका छन । जुम्लाका रमानन्द न्यौपाने सहायक प्रवक्ता बनेका छन ।

    
यसैगरी अध्यक्ष थापाले प्रदीप कुमार उदय (रुपन्देही) लाई प्रदेश नं. ५ को अध्यक्ष र दईन्द्र बहादुर ठकुरी (सिन्धुपाल्चोक) लाई केन्द्रीय सदस्य पदमा मनोनयन गरेको राप्रपा प्रचार बिभाग प्रमुख मोहन श्रेष्ठले जारी गरेको बिज्ञप्तिमा उल्लेख छ ।