सदरखोरमा निवर्तमान सभामुख र निलम्बित सांसद भेट हुने अवस्थामा छन् । तर मुद्धा फैसला भएर सजाय काटिरहेका निलम्बित सांसद चौधरी र पूर्पक्षको लागि थुनामा बसेका निवर्तमान महराबीच अबको भेट सभामुख र सांसदको जस्तो नभएर दुई कैदीको जसरी हुनेछ र माहोल अत्याधुनिक संसद भवनको हल नभएर जेलको चारदिवार भित्र हुनेछ ।
काठमाडौं । जिल्ला अदालत काठमाडौंले बलात्कार प्रयासको कसुरमा पुर्व सभामुख कृष्णबहादुर महरालाई सोमबार पुर्पक्षका लागि थुनामा पठाएको छ । जिल्ला अदालत न्यायधीश सुदर्शनराज पाण्डेको इजलासले आइतबारदेखि शुरु थुनछेक बहस सोमबार सकिएपछि महरालाई थुनामै राखेर मुद्दा अघि बढाउने आदेश दिएको हो ।
थुनामा राख्ने आदेशसँगै विरामीको बाहानामा अस्पतालमा बसिरहेको महरा अब डिल्लीबजार स्थित सदरखोरको चिसो कोठामा पुगेका छन् ।
उनको स्वास्थ्य अवस्था सामान्य भएकोले अब उनी फैसला नहुन्जेलसम्मलाई सदरखोरमै रहने छन् ।
सदरखोरमा रहँदा उनी पूर्वआईजीपी रमेशचन्द्र ठकुरीसँगै क’ ब्लकमा रहने छन् । सो कोठा सुडान घोटलामा जेल जिवन बिताएका पूर्व आइजीपी ओमविक्रम राणा बसेको कोठा पनि हो ।
संसद् सचिवालयमा कार्यरत एक महिला कर्मचारीले महराले आफ्नो कोठामा आएर बलात्कार गरेको र आफूले प्रतिवाद गर्दा कुटपिट गरेको गम्भीर आरोप लगाए पछि सभामुखपदबाट राजीनामा दिएका थिए ।
जेलमा रहँदा उनको भेट पूर्वआईजीपीसँग मात्र होइन निलम्बित सांसद रेशम चौधरीसँग पनि हुने छ । चौधरी तिनै व्यक्ति हुन जसलाई जेलबाटै संसद भवन ल्याएर सभामुख महराले आफ्नै कार्यकक्षमा सपथ खुवाएका थिए । उनी कैलाली जिल्लाको क्षेत्र नम्बर १ बाट निर्वाचित सांसद हुन् ।
कैलालीको टीकापुरमा नौ जनाको हत्या भएको घटनामा सांसद रेशम चौधरीसहित ११ जनालाई जन्मकैदको फैसला भएको छ।
थरूहटको आन्दोलन चर्किँदा विसं २०७२ भदौमा भएको विरोधप्रदर्शन हिंसात्मक बनेपछि भिडले आक्रमण गरेर नेपाल प्रहरीका वरिष्ठ प्रहरी उपरीक्षक लक्ष्मण न्यौपानेसहित आठ सुरक्षाकर्मीलाई मारिदिएको थियो। सो घटनामा एक बालकको पनि ज्यान गएको थियो।
अब सदरखोरमा निवर्तमान सभामुख र निलम्बित सांसद भेट हुने अवस्थामा छन् । तर मुद्धा फैसला भएर सजाय काटिरहेका निलम्बित सांसद चौधरी र पूर्पक्षको लागि थुनामा बसेका निवर्तमान महराबीच अबको भेट सभामुख र सांसदको जस्तो नभएर दुई कैदीको जसरी हुनेछ र माहोल अत्याधुनिक संसद भवनको हल नभएर जेलको चारदिवार भित्र हुनेछ ।