Hamro Khabar

एएफसी यू-२३ च्याम्पियनसिपः आज कतारसँग भिड्दै नेपाल

हाम्रोखबर आइतबार, चैत्र १० २०७५

एएफसी यू-२३ च्याम्पियनसिप छनोटको दोस्रो खेलमा नेपालले आज आयोजक कतारसंग प्रतिस्पर्धा गर्दैछ । कतारको दोहास्थित स्पोर्टस सिटी सेन्टरको मैदानमा हुने खेलमा नेपालले कतारलाई पराजित गर्ने योजनामा हुनेछ । तर प्रतियोगिताको बलियो टिम कतारलाई हराउन नेपालले उत्कृष्ट प्रदर्शन गर्नुको विकल्प छैन ।

काठमाडौं । एएफसी यू-२३ च्याम्पियनसिप छनोटको दोस्रो खेलमा नेपालले आज आयोजक कतारसंग प्रतिस्पर्धा गर्दैछ । कतारको दोहास्थित स्पोर्टस सिटी सेन्टरको मैदानमा हुने खेलमा नेपालले कतारलाई पराजित गर्ने योजनामा हुनेछ । तर प्रतियोगिताको बलियो टिम कतारलाई हराउन नेपालले उत्कृष्ट प्रदर्शन गर्नुको विकल्प छैन ।

पहिलो खेलमा पराजित नेपालले एएफसी यू २३ च्याम्पियनसिपमा छनोट हुने सम्भावना जिवित राख्न दोस्रो खेलमा कतारलाई हराउनु पर्नेछ । शुक्रबार भएको पहिलो खेलमा नेपाल ओमानसंग १-० गोल अन्तरले पराजित भएको थियो । यस्तै अन्तिम खेलमा नेपालले मंगलबार अफगानिस्तानसंग खेल्नेछ ।

छनोटको शीर्ष टोलीले थाइल्याण्डमा आयोजना हुने एएफसी यू९२३ च्याम्पियनसिप खेल्नेछन् । यस्तै दोस्रो टोली मध्ये उत्कृष्ट पाँच टोलीले पनि च्याम्पियनसिप खेल्ने मौका पाउनेछन् ।