मुम्बइ । बलिउड अभिनेता आमिर खानलाई लामो समयदेखि पर्दामा हेर्नका लागि दर्शक प्रतिक्षारत छन् । यसअघि उनी चलचित्र ‘ठग्स अफ हिन्दुस्तान’ मा अमिताभ बच्चन, फातिमा सना शेख र कटरीना कैफसँग देखिएका थिए । अहिले उनी नयाँ चलचित्र ‘लाल सिंह चड्ढा’ मा काम गरिरहेका छन् । यो चलचित्र १९९४ को हलिउड चलचित्र ‘फरेस्ट गम्प’ को हिन्दी रिमेक हो । 
 
यो चलचित्रलाई ‘सीक्रेट सुपरस्टार’ फेम्ड निर्देशक अडवेट चन्दनले निर्देशन गर्दैछन् । चलचित्रमा आमिरको अपोजिटमा करीना कपूर देखिँदैछिन् । गएको वर्ष ‘ठग्स अफ हिन्दुस्तान’ को रिलिजभन्दा अगाडि टी|सीरीजका प्रमुख भूषण कुमारले चलचित्र ‘मोगुल’ मा आमिर सह(निर्मातामा रहने घोषणा गरेका थिए । यो चलचित्र गुलशन कुमारको बायोपिक हो । 
 
पिंक विलाका अनुसार, आमिर खानले चलचित्र ‘लाल सिंह चड्ढा’ को छायांकन पूरा गरेपछि तमिल चलचित्र ‘विक्रम वेदा’ को छायांकन सुरु गर्नेछन् । यसमा उनले खुंखार ग्यांगस्टरको भूमिका निभाउँदैछन् । चलचित्रमा सैफ अली खान पुलिस अफिसरको भूमिकामा हुने बताइएको छ । करीब २० वर्षपछि आमिर र सैफले सँगै काम गर्न लागेका हुन् । 
 
‘विक्रम वेदा’ को हिन्दी रिमेकको छायांकन अर्को वर्षको अप्रिलबाट सुरु हुनेछ । चलचित्रलाई पुष्कर गायत्रीले निर्देशन गर्नेछन् । तमिल भाषामा पनि यो चलचित्रको निर्देशन उनले नै गरेका थिए । ओर्जिनल चलचित्रमा दुई तामिल सुपरस्टार आर माधवन र विजय सेथुपथीको प्रमुख भूमिका थियो । हिन्दी रिमेकमा सैफले ‘विक्रम’ र आमिरले ‘वेदा’ को भूमिका निभाउनेछन्  ।