काठमाडौं । सत्तारुढ नेपाल कम्युनिष्ट पार्टी नेकपाको सचिवालय बैठक स्थगित भएको छ । मंगलबार प्रधानमन्त्रीको सरकारी निवास बालुवाटारमा बस्न लागेको बैठक गृहकार्य नपुगेको भन्दै बैठक स्थगित भएको हो । आयोगहरु र प्रवास कमिटीको एकता प्रक्रिया टुंगो लगाउन सचिवालय बैठक बोलाइएको थियो । नेताहरु पनि प्रधानमन्त्री निवास बालुवाटार पुगेका थिए ।
काठमाडौं । सत्तारुढ नेपाल कम्युनिष्ट पार्टी नेकपाको सचिवालय बैठक स्थगित भएको छ । मंगलबार प्रधानमन्त्रीको सरकारी निवास बालुवाटारमा बस्न लागेको बैठक गृहकार्य नपुगेको भन्दै बैठक स्थगित भएको हो ।
आयोगहरु र प्रवास कमिटीको एकता प्रक्रिया टुंगो लगाउन सचिवालय बैठक बोलाइएको थियो । नेताहरु पनि प्रधानमन्त्री निवास बालुवाटार पुगेका थिए । तर पार्टी अध्यक्ष तथा प्रधानमन्त्री केपी शर्मा ओलीले बैठकको तयारी नपुगेको सन्देश महासचिव विष्णु पौडेलमार्फत् पठाएपछि बैठक स्थगित गरिएको प्रवक्ता नारायणकाजी श्रेष्ठले जानकारी दिए ।
स्थगित भएपछि नेताहरु निस्किएका छन् । बैठक नबसेपछि बालुवाटारबाट सबैभन्दा पहिले माधवकुमार नेपाल बाहिरिएका थिए । त्यसपछि नारायणकाजी श्रेष्ठ र वामदेव गौतम पनि निस्किए । बैठक स्थगित भएपछि दुई अध्यक्ष सर्वदलीय बैठकको तयारीमा जुटेका छन् ।