काठमाडौँ । चर्चित हाँस्य कलाकार तथा निर्माता किरण केसीले चर्चित पत्रकार रबि लामिछाने प्रक्राउ प्रकरणबारे आफना विचार व्यक्त गरेका छन् । 

एक अन्तरवार्ताको क्रममा किरण केसीले पत्रकार शालिकराम पुडासैनको आत्महत्या प्रकरणमा रबिको संलग्नता रहनुको कुनै उचित कारण नै नरहेको भन्दै रबि निर्दाेष रहेको बताएका हुन् । उनले रबिलाई आफुले २५ बर्षदेखि चिन्दै आएको भन्दै पत्रकार पडासैनीको आत्महत्या प्रकरणमा रबिलाई प्रक्राउ गरिनु गलत रहेको बताएका छन् ।

अन्तरवार्ताको क्रममा उनले भने “रबि लामिछानेसंग २५ बर्षसम्मको सहकार्य गरेको कारणले पनि रबि कस्तो नेचरको मान्छे हो भन्ने मलाई थाहा छ । अरुलाई थाहा नभएको कुरा मलाई थाहा छ । रबि लामिछाने एउटा शालिन , भद्र ,सांगेतिक र नयाँ नयाँ कुराहरुको खोजी गर्ने मान्छे हो । गिनिज बुकमा नाम लेखाउँने आँटिलो , धर्य भएको मान्छेले यतिसम्म तल गिरेर मान्छे नै मार्ने हुनै सक्दैन” ।

उनले प्रश्न गरे “के रबि लामिछानेले पत्रकार पुडासैनी मारेर कति सम्पत्ति कमायो ?”  पैसा , प्रेमिका , प्रमोसन , पोस्ट पावर केहीको बारेमा पनि सम्बन्ध नरहेकोले पुडासैनीको मृत्युमा रबिको संलग्नता हुने कारण नै नरहेको उनको ठम्याइ छ । 
साथै उनले भिडियोमा रबिको नाम आएको कारणले अनुसन्धान गर्न पर्ने र कानुन भन्दा माथि कोही पनि नरहेको पनि बताए । 
रबिले दिन दुखीहरुका लागि काम गरेकै कारणले यति धेरै जनताको साथ पाएको पनि उनले बताए ।