Hamro Khabar

नेकपाको उपाध्यक्षमा बामदेव

हाम्रोखबर शुक्रबार, श्रावण ३१ २०७६

काठमाडौं । नेपाल कम्युनिस्ट पार्टी (नेकपा)ले बामदेव गौतमलाई उपाध्यक्ष बनाउने भएको छ । नेकपाको शुक्रवार बसेको सचिवालय बैठकमा अध्यक्षद्वय केपी शर्मा ओली र पुष्पकमल दाहाल प्रचण्डले उपाध्यक्ष पद सृजना गरेर गौतमलाई जिम्मेवारी दिने प्रस्ताव राखेका हुन् ।

तत्कालीन एमाले र माओवादी मिलेर नेकपा गठन गर्दा दुई अध्यक्ष र महासचिव मात्र तोकिएको थियो । तर पार्टी एकताको डेढ वर्षपछि गौतमका लागि उपाध्यक्ष पद सृजना गरिएको छ ।

यसैबीच नेकपाले विभिन्न ३३ केन्द्रीय विभागका प्रमुख तोकेको छ । पार्टी एकतापछि लामो समयसम्म टुङ्गिन नसकेको सो विषयमा शुक्रबार प्रधानमन्त्री निवास बालुवाटारमा सम्पन्न बैठकले टुङ्गो लगाएको हो ।