Hamro Khabar

होटलको कोठामा झुण्डिएको अवस्थामा भेटिए पत्रकार पुडासैनी

मङ्गलबार, श्रावण २१ २०७६

चितवनको पोखरा बसपार्कको कंगारु होटेलमा एक व्यक्ति झुन्डिएको अवस्थामा फेला परेका छन् । उनी माउन्टेन टेलिभिजनमा कार्यरत पत्रकार शालिकराम पुडासैनी रहेको बताइएको छ ।

काठमाडौं । चितवनको पोखरा बसपार्कको कंगारु होटेलमा एक व्यक्ति झुन्डिएको अवस्थामा फेला परेका छन् । उनी माउन्टेन टेलिभिजनमा कार्यरत पत्रकार शालिकराम पुडासैनी रहेको बताइएको छ ।
सोमबार दिउँसो ३ बजे होटेल प्रवेश गरेका पुडासैनी राति ८ बजेसम्म बाहिर ननिक्लएपछि होटेल प्रशासनले प्रहरी बोलाएर कोठा खोल्दा उनी मृत भेटिएका थिए।

प्रहरीको जानकारी अनुसार कोठाको पंखामा नाइलनको डोरी प्रयोग गरि पासो लगाएको अवस्थामा उनलाई फेला पारका थिए ।
उनले न्यूज–२४ को सिधा कुरा जनतासँग कार्यक्रममा समेत काम गरेका थिए। हालै माउन्टेन टेलिभिजनमा प्रवेश गरेका उनले मिसन न्यूज कार्यक्रम चलाउँदै आएका थिए।
उनको स्थायी घर नुवाकोटको बेलकोटगढी नगरपालिका वडा नं २ हो ।