काठमाण्डौ । एसीसी यू-१९ एसिया कपका लागि नेपाली यू-१९ राष्ट्रिय क्रिकेट टोलीले पहिलो चरणको तयारी टियु क्रिकेट मैदानमा र अन्तिम चरणको तयारी श्रीलंकामा गर्ने भएको छ । एसियन क्रिकेट काउन्सिल (एसीसी) को नेपाल प्रतिनिधि भावना घिमिरेले नेपाली टोलीको अन्तिम तयारी श्रीलंकामा गर्ने जानकारी दिईन् ।
काठमाण्डौ । एसीसी यू-१९ एसिया कपका लागि नेपाली यू-१९ राष्ट्रिय क्रिकेट टोलीले पहिलो चरणको तयारी टियु क्रिकेट मैदानमा र अन्तिम चरणको तयारी श्रीलंकामा गर्ने भएको छ । एसियन क्रिकेट काउन्सिल (एसीसी) को नेपाल प्रतिनिधि भावना घिमिरेले नेपाली टोलीको अन्तिम तयारी श्रीलंकामा गर्ने जानकारी दिईन् ।
घिमिरेले यसबारे एसीसीसँग छलफल भईरहेको घिमिरेले जानकारी दिइन् । उनले भनिन्,‘नेपाली टोलीले पहिले काठमाण्डौमा क्याम्प गर्ने छ, अभ्यास खेलको लागि भने श्रीलंका जाने कुरा भईरहेको छ । एसीसीसँग छलफल भईरहेको छ । तर, निश्चित भएको छैन ।’
एसीसीले अनुमति दिएपछि प्रतियोगिताका लागि नेपाली टोली एक साता भन्दा अघि नै श्रीलंका जाने उनले बताईन् । उनका अनुसार नेपाली टोलीले श्रीलंकामा ७ देखि ८ दिनसम्म विशेष तयारी गर्नेछ ।
प्रतियोगिता नजिकिदै गर्दा नेपाली टोलीले भने तयारी अझै सुरु गरेको छैन । टियु क्रिकेट मैदानमा उम्रिएको घाँस र मैदान अभावको कारण नेपाली टोलीले तयारी गर्न सकिरहेको छैन । राष्ट्रिय खेलकुद परिषदले टियु मैदानको घाँस काट्न सुरु गरेपनि मैदान तयार हुन अझै ३/४ दिन लाग्ने छ ।
गत महिना मलेसियामा सम्पन्न एसीसी यू-१९ इन्टर्न रिजनको उपाधि जितेर नेपाल एसिया कपमा छनोट भएको थियो । आगामी सेप्टेम्बर ३ देखि १५ सम्म आयोजना हुने यू-१९ एसिया कपमा भारतसँगै नेपाल, श्रीलंका, बंगलादेश, अफगानिस्तान, पाकिस्तान, कुवेत र युएई गरि आठ राष्ट्रले प्रतिस्पर्धा गर्ने छन् ।