स्पेनिस क्लब रियल मड्रिड प्रशिक्षक जिनेदान जिदान पुनः रियल मड्रिडको प्रशिक्षकको जिम्मेवारी सम्हाल्न पुगेका छन् । रियल मड्रिडले यस सिजन खराब प्रदर्शन कायम राखेपछि प्रशिक्षक सान्टीयागो सोलारीलाई बर्खास्त गर्दै जिदानलाई प्रशिक्षक नियुक्त गरेको हो ।
एजेन्सी । स्पेनिस क्लब रियल मड्रिड प्रशिक्षक जिनेदान जिदान पुनः रियल मड्रिडको प्रशिक्षकको जिम्मेवारी सम्हाल्न पुगेका छन् । रियल मड्रिडले यस सिजन खराब प्रदर्शन कायम राखेपछि प्रशिक्षक सान्टीयागो सोलारीलाई बर्खास्त गर्दै जिदानलाई प्रशिक्षक नियुक्त गरेको हो ।
क्लब फर्कदै जिदानले क्लबको पुरानो लयलाई फर्काउने बताएका छन् । रियल मड्रिडका पूर्व मिडफिल्डरसमेत रहेका ४६ वर्षीय जिदानले आफ्नो आगमन पछि क्लबले पुरानो हैसियत फिर्ता पाउने दाबी गरेका छन् । रियलसंग जिदानले सन् २०२२ सम्मको सम्झौता गरेका छन् ।
जिदान क्लब छाडेको १० महिनापछि पुनः रियल फर्किएका हुन् । गत सिजनको च्याम्पियन्स लिग जिताएपछि जिदानले रियल छाडेका थिए ।
यस सिजन भने रियल उपाधिविहीन बन्ने देखिएको छ । रियल च्याम्पियन्स लिग र कोपा डेल रे बाट बाहिरिसकेको छ ।