Hamro Khabar

युक्रेनमा रुसी आक्रमण गर्दा १७ जनाको मृत्यु , ३२ जना घाइते

बिहीबार, भाद्र २१ २०८०

युक्रेनमा रुसीले आक्रमण गर्दा पूर्वी युक्रेनस्थित एक सहरमा कम्तीमा १७ जनाको मृत्यु भएको छ ।

काठमाण्डौं । युक्रेनमा रुसीले आक्रमण गर्दा पूर्वी युक्रेनस्थित एक सहरमा कम्तीमा १७ जनाको मृत्यु भएको छ ।
घटनामा युक्रेनका आन्तरिक मन्त्री इहोर क्लिमेन्कोले ३२ जना घाइते भएको बताए । अधिकारीहरूका अनुसार रुसी आक्रमणमा २० पसल, बिजुली लाइन, प्रशासनिक भवन आदिमा क्षति पुगेको छ ।रुसको यो हमला अमेरिकी विदेशमन्त्री एन्टोनी ब्लिन्केन किभको भ्रमण गरिरहेको बेला भएको थियो । अमेरिकाले युक्रेनका लागि एक अर्ब डलरभन्दा बढीको आर्थिक सहायताको घोषणा गर्न सक्ने अपेक्षा गरिएको छ ।
एसोसिएटेड प्रेस संवाददाताहरूले कोस्टियान्टिएनिभकामा आक्रमण भएको ठाउँमा शवहरू देखिएको बताएका छन् । त्यहाँ आकस्मिक कर्मचारीले बजारमा लागेको आगो निभाएका थिए ।युक्रेनका राष्ट्रपति भोलोडिमिर जेलेन्स्कीले रूसले निर्दोष मानिसहरूलाई निशाना बनाएर बजारमा आक्रमण गरेको बताएका छन्।