Hamro Khabar

शिक्षा विधेयकविरुद्ध निजी विद्यालय सञ्चालकको माइतीघरमा प्रदर्शन

बिहीबार, श्रावण २५ २०८०

आज शिक्षा विधेयकविरुद्ध अनिश्चितकालीन विद्यालय बन्दको घोषणा गरेका निजी विद्यालय सञ्चालकहरुले माइतीघरमा प्रदर्शन गरेका छन् ।

काठमाडौं । आज शिक्षा विधेयकविरुद्ध अनिश्चितकालीन विद्यालय बन्दको घोषणा गरेका निजी विद्यालय सञ्चालकहरुले माइतीघरमा प्रदर्शन गरेका छन् ।
सरकारले विधेयकमार्फत निजी लगानीको शिक्षा क्षेत्रलाई निरुत्साहित गर्दै मास्न लागेको भन्दै प्याब्सन, हिसान र नेसनल प्याब्सनले संयुक्तरुपमा प्रदर्शन गरेको हो । प्रदर्शनमा सहभागी हुन देशभरबाट निजी विद्यालय सञ्चालकहरु काठमाडौं आएका छन् । उनीहरुले विधेयक संशोधन नभए आइतबारदेखि देशभरका निजी विद्यालय ठप्प पार्ने चेतनावनी दिएका छन् ।मन्त्रिपरिषद्बाट पास भएको प्रस्तावित विधेयक सरकारले संसदमा पेश गर्ने तयारी गरेको छ । उनीहरुले शिक्षमा असमान अवसर,अवसरमा समान पहुँच,समुदायिक शिक्षा सुधार निजी शिक्षा नबिगार,संस्थागत वा निजी शिक्षा अधिकार लगायतको प्ले कार्ड बोकेका थिए ।