प्रतिनिधि सभा सदस्य तथा प्रदेशसभा सदस्य निर्वाचनको नतिजा आउने क्रम जारी छ । लगभग अन्तिम चरणमा पुुगेको मतगणना अनुसार पहिलो नम्बरमा रहेको एमालेले २७ लाख २० हजार ६६९२ मत ल्याउन सफल भएको छ । सुरुदेखि नै अग्रता बनाएको एमालेले समानुतिकतर्फ अग्रता कायमै राखेको छ।
काठमाडौं । प्रतिनिधि सभा सदस्य तथा प्रदेशसभा सदस्य निर्वाचनको नतिजा आउने क्रम जारी छ । लगभग अन्तिम चरणमा पुुगेको मतगणना अनुसार पहिलो नम्बरमा रहेको एमालेले २७ लाख २० हजार ६६९२ मत ल्याउन सफल भएको छ । सुरुदेखि नै अग्रता बनाएको एमालेले समानुतिकतर्फ अग्रता कायमै राखेको छ।
अन्तिम चरणमा समानुपातिकतर्फ राष्ट्रिय स्वतन्त्र पार्टीले ११ लाख भोट कटाएको छ। यस्तै, नेपाली कांग्रेसले २५ लाख ८५ हजार १११ मत ल्याएको छ।
उता माओवादी केन्द्रले ११ लाख ५३ हजार ४५७ मत ल्याएर तेस्रोमा छ।
समानुपातिकतर्फ रास्वपा चौंथो स्थानमा छ। यो समाचार तयार पार्दासम्म राष्ट्रिय स्वतन्त्र पार्टीले ११ लाख ४ हजार २४५ मत ल्याएको छ । पाँचौमा रहेको राप्रपाले ५ लाख ७९ हजार २७८ मत ल्याएको छ। जनता समाजवादी पार्टीले ४ लाख ८ हजार ९३४ र जनमत पार्टीले ३ लाख ७६ हजार १९९ मत ल्याएको छ ।
उता थ्रेस होल्ड कटाउन हम्मे हम्मे परेको नेकपा एसले भने २ लाख ९० हजार १९६ मत ल्याएको छ । थे्रेस होल्ड पार गर्न नेकपा एसको लागि अझै १० हजार बढी मत आवश्यक छ । तीन लाख बढी मत ल्याए थ्रेस होल्ड कट्छ । मतगणना जारी क्षेत्रमा नेकपा एसकाे मत बढिरहेकाे छैन। भने मतगणना हुने क्षेत्र स्याङ्जा २ र बाजुराकाे मत पाउने आश नेकपा एसकाे छ । त्यसाे त पुनः निर्वाचन हुने दाेलखाकाे १० केन्द्रबाट पनि नेकपा एसलाइ मत दिएर थ्रेस हाेल्ड कटाउन सहयाेग गर्ने मुडमा सत्तागठबन्धन छ । माअाेवादीका केही युवा नेताहरूले त पुनः निर्वाचन हुने क्षेत्रमा नेकपा एसलाइ समानुपातिकमा मत दिएर सहयाेग गर्न अाग्रह पनि गरेका छन् ।