माधवकुमार नेपाल नेतृत्वको एकीकृत समाजवादी पार्टीलाई नेकपा माओवादी केन्द्रका एकजना नेता हिमाल शर्माले राष्ट्रिय पार्टी बनाउन सघाउनुपर्ने बताएका छन् ।
काठमाडौं । माधवकुमार नेपाल नेतृत्वको एकीकृत समाजवादी पार्टीलाई नेकपा माओवादी केन्द्रका एकजना नेता हिमाल शर्माले राष्ट्रिय पार्टी बनाउन सघाउनुपर्ने बताएका छन् ।
उनले पुनःमतदान गर्न लागिएका मतदान केन्द्रमा कलम चिह्नमा भोट दिएर समाजवादीलाई प्रतिनिधि सभातर्फ राष्ट्रिय पार्टी बनाउन सहयोग गर्नुपर्ने बताएका हुन् ।
शर्माले थोरैले अपुग हुन गएमा अव चुनाव हुन बाकी रहेका मतदान केन्द्रमा प्रतिनीधिसभाको समानुपातिक तर्फ कलम चिन्हमा मतदान गरेर नेकपा (एकीकृत समाजवादी) लाई राष्ट्रिय पार्टी निर्माण हुनमा सहयोग गर्नुपर्ने बताएका छन् ।
‘पहिलो कुरा अबको बाँकी गणनामा आफैँ ३ प्रतिशत पुगोस् कामना गरौँ ’ शर्माले फेसबुकमार्फत भनेका छन् , ‘थोरैले नपुगेमा चुनाव हुन बाँकी मतदान केन्द्रमा प्रतिनिधिसभाको समानुपातिकतर्फ कलम चिह्नमा मतदान गरेर समाजवादीलाई राष्ट्रिय पार्टी हुन सहयोग गरौँ।’