Hamro Khabar

ओलीकाे कटाक्षः जो भेट्यो उसलाई मन्त्री बनाउँछु भन्छन्, के १६५ जना मन्त्री बनाउने हाे ?

आइतबार, कात्तिक २७ २०७९

काठमाडौं । नेकपा एमालेका अध्यक्ष केपी शर्मा ओलीले प्रचण्डले जनतालाई झुटा आश्वासन दिएको बताएका छन् । उनले भोट माग्न जाँदा जसलाई पनि मन्त्री बनाउँछु भन्दै हिँडेको बताएका छन्।

आज कालिकोटमा भएको चुनावी सभालाई सम्बोधन गर्दै ओलीले प्रचण्ड अव्यवहारिक र अनुचित कुरा गर्दै हिँडेको आरोप लगाए। 'कतिजना मानिसहरू जहाँ पुग्यो त्यहीँको मानिसलाई मन्त्री बनाउँछु भनिरहेका छन्। हरिबहादुर भेटियो उसलाई मन्त्री बनाउँछु। रामबहादुर भेटियो उसलाई मन्त्री बनाउँछु‘ शान्तिदेवी देखियो मन्त्री बनाउँछु, क्रान्तिदेवी देखियो मन्त्री बनाउँछु,’ प्रचण्डप्रति लक्षित गर्दै ओलीले भने, ‘यस्तो खालको अव्यवहारिक र अनुचित तरिका हो।’

दुर्गम ठाउँबाट जिताएका व्यक्तिलाई मन्त्री बनाउने स्वभाविक हो, यहाँको कुरा संसद्मा मात्र होइन सरकारमा गएर पनि उठाउन सकुन् पुग्नु पर्छ ओलीले भने, ‘मैले मन्त्री दिन्छु भन्ने झुट कुरा हो। जहाँको भाषण पनि मन्त्री बनाउँछु भन्ने मैले सुने,’ उनले भने,१६५ जना मन्त्री बनाउने ?’ ‘जहाँका पनि मन्त्री बनाउँछु भन्ने ?
उनले सत्ता गठबन्धनले एउटा साझा घोषणा पत्र बनाउन नसकेको भन्दै उनले आलोचना गरे । एउटा साझा घोषणापत्र बनाउन सकेका छैनन् । साझा काम कसरी गर्छन् । जनतालाई अल्मल्याउन आ आफ्ना घोषणापत्र ल्याएका छन् । कुन चाही लागु हुन्छ त ?