दशैं भन्ने बित्तकै सबैलाइ मासुकै सम्झना हुन्छ । तर शाकाहारीले पनि दशैंका लागि अन्य परिकार मिठाे गरी बनाएर खान सकिन्छ ।त्यसमध्ये एक हाे पनिरकाे परिकार । पनिर एक दुग्ध उत्पादन हो ।
काठमाडाैं । दशैं भन्ने बित्तकै सबैलाइ मासुकै सम्झना हुन्छ । तर शाकाहारीले पनि दशैंका लागि अन्य परिकार मिठाे गरी बनाएर खान सकिन्छ ।त्यसमध्ये एक हाे पनिरकाे परिकार । पनिर एक दुग्ध उत्पादन हो । पनिर स्वादिष्ट परिकारको रुपमा परिचित छ । त्यसैले घरमा सामान्य कार्यक्रममा पनि मानिसहरु पनिरको परिकार बनाउँन चाहान्छन् । स्वास्थ्यका लागि फाइदाजनक र स्वादका लागि पनि पनिरलाई उत्कृष्ट मान्ने गरिन्छ ।
पनीरका विभिन्न परिकारः
पनिरको भुजुरी
आवश्यक सामग्री स्
पनिर २ सय ग्राम,प्याज १ वटा, अदुवा र लसुनको पेस्ट १ चम्चा, नुन–खुर्सानीको धूलो आवश्यकता अनुसार, बेसार आवश्यकता अनुसार, गोलभेंडा १ वटा, हरियो खुर्सानी ३ वटा ।
पनिर करी
सामग्रः
पनिर १ सय ग्राम, हरियो केराउ (उसिनेको) ७५ ग्राम, प्याज (मसिनो गरी काटेको) २० ग्राम, गोलभेंडा मसिनो गरी काटेको) २० ग्राम, अदुवा(लसुन पिसेको १० ग्राम, टोम्याटो प्युरी २० ग्राम, काजु पिसेको ३० ग्राम, घिउ बटर वा तेल २० ग्राम, ताजा क्रिम १ ठूलो चम्चा, बटर १ सानो चम्चा, हरियो धनियाँ १ सानो मुठा ।
विधि स्
एउटा कराहीमा तेल तताउने र त्यसमा प्याज भुट्ने । प्याज गलेपछि गोलभेंडा भुट्ने र अदुवा – लसुनको पेस्ट मिसाउने, त्यसपछि मसला, जिरा, खुर्सानी, धनियाँ, बेसार, रातो खुर्सानी, मिट मसला हाली चलाउने र पिसेको काजु मिसाउने । त्यसमा एक कपजति पानी हाली उमाल्ने । बाक्लो भएपछि पनिर तथा उसिनेको केराउ हालेर फेरि एकछिन पकाउने । अन्त्यमा बटर, ताजा क्रिम र धनियाँ हालेर चलाएपछि निकाल्ने । पनिर करी खाना सँग वा रोटीसँग खान सकिन्छ ।
ब्रेड पनीर कटलेट
सामग्रीः
स्लाइस ब्रेड १० पिस, पनिर २ सय ग्राम, जिरा पाउडर २० ग्राम, रातो खुर्सानी पाउडर १५ ग्राम, नुन स्वादअनुसार, धनियाँको पात थोरै, तेल ३ सय मिलिलिटर ।
विधिः
पनिर काटेर कराहीमा तेल हाली हल्का आँचमा एकछिन फ्राई गरी निकाल्ने र त्यसमा जिराको पाउडर, खुर्सानीको पाउडर, नुन स्वाद अनुसार तथा धनियाँ पात मिसाएर पनिरलाई किमा जस्तै हुने गरी मोल्ने। एज कटिङ गरिएको स्लाइस ब्रेडलाई पानीमा थोरै भिजाउने अनि दुई हत्केलाले हल्का प्रेस गरी पानी निचोरी त्यसमा मोलेको पनिर राख्ने र ब्रेडलाई हातले मोडी हल्का प्रेस गरी अण्डाकार वा लाम्चो सेप दिने। कराहीमा तेल हाली ब्रेडलाई डिप फ्राई गर्ने। ब्रेडको रंग खैरो भएपछि निकाल्ने। तयार भएको ब्रेड पनिर कटलेटलाई प्लेटमा ग्रीन सलाद तथा टोमाटो सस सँग सर्भ गर्ने। सजावटका लागि माथिबाट बोइल एग कटिङ गरी राख्न सकिन्छ।
पनीर चिल्ली
सामग्री स्
पनिर ३ सय ग्राम, प्याज १ सय ग्राम, टमाटर १ सय ग्राम, भेंडेखुर्सानी १ सय ग्राम ९भेंडेखुर्सानी नभए हरियो खुर्सानी ५० ग्राम०, धनियाँको पात थोरै, टमाटर सस ३० ग्राम, जिरा पाउडर २० ग्राम, रातो खुर्सानीको पाउडर २० ग्राम, बेसार ५ ग्राम, नुन स्वाद अनुसार, तेल २ सय मिलिलिटर।
विधिः
पनिरलाई हल्का पखाली एउटै साइजमा काट्ने अनि प्यानमा तेल तताई पनिर फ्राई गर्ने। खैरो भएपछि निकालेर एउटा बाउलमा राख्ने अनि नरम बनाउन पानीमा केही बेर भिजाउने (अन्दाजी २ मिनेट)। भेंडेखुर्सानी, प्याज तथा टमाटरलाई ठूलो साइजमा समान रूपमा काट्ने। अर्को प्यानमा तेल तताएर बेसार हाली कटिङ गरेको भेंडेखुर्सानी वा हरियो खुर्सानी, प्याज र टमाटरलाई हल्का आँचमा फ्राई गर्ने र खुर्सानीको पाउडर, जिराको पाउडर अनि स्वाद अनुसार नुन हाल्ने र भिजाएर राखेको फ्राई पनीरका साथ हल्का चलाउने। अन्त्यमा टोमाटो सस हाली एकपल्ट राम्रोसँग चलाई प्लेटमा सर्भ गर्ने। सजावटका लागि माथिबाट धनियाँको पात छर्कने।