Hamro Khabar

पौडी खेल्ने क्रममा रहरमा डुबेर तीनजनाको मृत्यु

हाम्रोखबर मङ्गलबार, आषाढ ३ २०७६

तौलिहवा । कपिलवस्तुको शिवराज नगरपालिका २ मा पौडी खेल्नेक्रममा तीनजनाको डुबेर मृत्यु भएको छ ।

मंगलबार दिउँसो पौडी खेल्ने क्रममा हल्लानगरस्थित सुरई नदीको रहरमा डुबेर तीनजनाको मृत्यु भएको हो । मृत्यु हुनेमा बिजयनगर गाउँपालिकाका १६ वर्षका आशिष भट्टराई,१८ वर्षीय सुमित सुनार र १७ वर्षीय निरन्जन भुसाल रहेको जिल्ला प्रहरी कार्यालय कपिलवस्तुले जनाएको छ ।

उनीहरु पौडी खेल्नका लागि मंगलबार दिउँसो रहरमा गएका थिए । दिउँसो तीन बजे घटना घटेको थाहा पाएपछि वडा प्रहरी कार्यालय कपिलवस्तुको टोली घटनास्थल पुगेका थिए ।