काठमाडौ । संसदको विकास तथा प्रविधि समितिले काठमाडौको तीनकुनेस्थित बागमती नदीको पुल निर्माण गर्ने ठेक्का लिएको पप्पु कन्स्ट्रक्सनलाई कारवाहीका लागि सिफारिस गरेको छ । पुलको काम अघि नबढाउन दिएको निर्देशन पप्पुले अटेर गरी काम अघि बढाएको भन्दै शुक्रबारको समिति बैठकले कारवाही गर्न निर्देशन दिएको हो ।
काठमाडौ । संसदको विकास तथा प्रविधि समितिले काठमाडौको तीनकुनेस्थित बागमती नदीको पुल निर्माण गर्ने ठेक्का लिएको पप्पु कन्स्ट्रक्सनलाई कारवाहीका लागि सिफारिस गरेको छ ।
पुलको काम अघि नबढाउन दिएको निर्देशन पप्पुले अटेर गरी काम अघि बढाएको भन्दै शुक्रबारको समिति बैठकले कारवाही गर्न निर्देशन दिएको हो । निर्माणाधीन पुलमा त्रुटि देखिएको भन्दै काठमाडौ उपत्यका सडक विस्तार आयोजनाले समस्या समाधान गरेर मात्र काम अघि बढाउन निर्देशन दिएको थियो । तर, उक्त निर्देशनको पालना नै नगरी स्ल्याब ढलानको तयारी गरेको भन्दै समितिले पप्पुलाई कारवाही गर्न निर्देशन दिएको छ ।
अरनिको राजमार्गको तीनकुनेस्थित बाग्मती नदी (कोटेश्वरतर्फ जाँदा) को बायाँतर्फ निर्माण भइरहेको पुलको लम्बाई ८६ मि. र चौडाई १७.२० मि. रहेको छ । कूल २९.५ मिटर गहिरो (लम्बाई)का १६ वटा १ हजार २०० का पाइल्स निर्माण गर्ने गरी डिजाइन स्वीकृत भएको थियो । तर निर्माण व्यवसायीले एउटा पाइल्स १६.५ मिटरको मात्र निर्माण गरेको र २ वटा पाइल्स भाँच्चिएको पाइएको छ ।
अनुगमनका क्रममा पुलको ३ वटा पाइल्समा गम्भीर त्रुटी देखिएपछि काठमाडौ उपत्यका सडक विस्तार आयोजनाले निर्माण व्यवसायीलाई फाउन्डेसनमा रहेको पाइल्सको समस्या समाधान गरेर मात्र काम अगाडि बढाउन निर्देशन दिएको थियो । तर पप्पुले उक्त निर्देशनको पालना नगरी पुलको सव स्ट्रक्चर निर्माण गरी स्ल्याब ढलानको तयारी गरेको पाइएको समितिले जानकारी दिएको छ ।
यसअघि समितिको वैशाख १९ गतेको निर्णय अनुसार समिति सभापति कल्याणी खड्का नेतृत्वको टोलीले पुल निर्माणबारे स्थलगत अध्ययन गरेको थियो ।