Hamro Khabar

लिची खाँदा भारतमा ४७ जना बालबालिकाको मृत्यु

हाम्रोखबर शुक्रबार, जेष्ठ ३१ २०७६

भारत । धेरै लिची खाएका कारण उत्तरी भारतमा पछिल्लो तीन सातामा ४७ जना बालबालिकाको मृत्यु भएको छ ।बिहारका स्वास्थ्य अधिकारीहरुका अनुसार सुक्ष्म इन्सेफ्लाइटिस सिन्ड्रोमका कारण ती बालबालिकाको ज्यान गएको हो ।

भारत । धेरै लिची खाएका कारण उत्तरी भारतमा पछिल्लो तीन सातामा ४७ जना बालबालिकाको मृत्यु भएको छ ।

बिहारका स्वास्थ्य अधिकारीहरुका अनुसार सुक्ष्म इन्सेफ्लाइटिस सिन्ड्रोमका कारण ती बालबालिकाको ज्यान गएको हो ।

स्वास्थ्य अधिकारीहरुले बालबालिकाको रगतमा चिनीको मात्रा कम भएको र रगतमा चिनी कम हुनुका पछाडी लिचीमा हुने रसायन भूमिका खेलेको बताएका छन् ।

अन्तर्रा्ष्ट्रिय विज्ञहरूले हामीलाई भनेअनुसार लिची त्यस्तो प्रकारको रसायन हुन्छ, लिची खाँदा त्यो रसायन कलेजोमा गएर बस्छ जब तापक्रम बढ्छ त्यो रसायन कलेजोबाट बाहिर निस्कन्छ,’ विहारका स्वास्थ्य अधिकार सञ्जयकुमारले बताएका छन् ।

बिरामी बालबालिकाका अभिभावकले छोराछोरी दिनभरी लिचीका रूखमा झुण्डिने र टन्न लिची खाएर आउने भएकाले राति खाना नखाने बताएका थिए ।

मुजफ्फारपुरका दुई अस्पतालले गत जनवरीदेखि नै यस्ता किसिमका १ सय ७९ वटा बिरामी भर्ना गरेका थिए ।

बालबालिकाको मृत्यु भने केही साता अघिदेखि भइरहेको सीएनएनले जनाएको छ ।

सन् २०१३ मा पनि कम्तिमा ३ सय ५१ जना नागरिकको इन्सेफ्लाइटिसका कारण मृत्यु भएको थियो ।