एजेन्सी । केन्यामा एक सांसदले महिला सांसदमाथि थप्पड हानेपछि पक्राउ गरिएको छ । महिला सांसद फातुमा गेडीलाई सांसद राशिद कासिमले थप्पड हानेपछि उनलाई पक्राउ गरीएको हो ।
एजेन्सी । केन्यामा एक सांसदले महिला सांसदमाथि थप्पड हानेपछि पक्राउ गरिएको छ । महिला सांसद फातुमा गेडीलाई सांसद राशिद कासिमले थप्पड हानेपछि उनलाई पक्राउ गरीएको हो ।
फातुमाले राशिदको संसदीय क्षेत्रका लागि रकम विनियोजनक नगरे पछि उनलाई थप्पड हानिएको बताइएको छ । घटना पछि फातुमा गेडीका ती तस्बिर ट्वीटरमा सेयर गरिँदै छ जसमा उनी रोइरहेको देखिएकी छिन् । उनको मुखबाट रगत पनि निस्किएको देखिएको छ ।
मिडिया रिपोर्ट अनुसार राशिदले फातुमालाई संसद भवनको कार पार्किङमा थप्पड हानेका हुन् । उनी फातुमालाई उनको संसदीय क्षेत्रका लागि रकम विनियोजन किन नगरेको भन्दै प्रश्न गरिरहेका थिए । घटनापछि सबै महिला सांसद रिसाउँदै संसदबाट बाहिरिए र राशिद कासिमको गिरफ्तारीको माग गरेका थिए ।
सांसद सबिना वान्जिरु चेगले बीबीसीसँगको कुराकानीमा घटनाको विषयमा पुरुष सांसदले महिला सांसदको मजाक उडाएको जानकारी दिइन् । चेगले भनिन्, ‘केही पुरुष सहकर्मी हामी भए ठाउँ आएर हामीमाथि हाँस्न थाले र आज ‘थप्पड दिवस’ भएको बताउन थाले । उनीहरुले महिलाको व्यवहार ठिक हुनुपर्ने र पुरुषको अगाडि कसरी प्रस्तुत हुने भन्ने विषयमा जानकार हुनुपर्ने बताए ।’ उनले भनिन्, ‘हामी सबै सांसद हौं र हामीहरु उनीहरुभन्दा कुनै पनि हालतमा कमजोर छैनौं ।’
सांसद राशिद कासिमको तर्फबाट यस विषयमा कुनै प्रतिक्रिया सार्वजनिक भएको छैन । घटनापछि केन्याको सोसल मिडियामा उनीमाथि कडा कारवाहीको आवाज उठिरहेको छ ।