Hamro Khabar

दन्तशिविरका लागि गएका स्वास्थ्यकर्मी चढेको गाडी दुर्घटना, दुईको मृत्यु

हाम्रोखबर शुक्रबार, जेष्ठ ३१ २०७६

रामेछापको दोरम्बा गाउँपालिका ६ लखनपुर जाँदै गरेको बस बिहीबार साँझ दुर्घटना हुँदा घाइते मध्ये दुईजनाको उपचारका क्रममा मृत्यु भएको छ । २० जना घाइते छन् ।

रामेछाप — रामेछापको दोरम्बा गाउँपालिका ६ लखनपुर जाँदै गरेको बस बिहीबार साँझ दुर्घटना हुँदा घाइते मध्ये दुईजनाको उपचारका क्रममा मृत्यु भएको छ । २० जना घाइते छन् । दुर्घटनामा दोरम्बा–६ का हरिबहादुर कार्की र उद्धव गौतमको ज्यान गएको छ ।

आज देखि कालिका मावि लखनपुरमा शुरु हुने दन्तशिविरका गएका केही चिकित्सकसहित स्वास्थ्यकर्मी चढेको बस दुर्घटनामा परेको हो ।

दुर्घटनामा लखनपुरकी स्वास्थ्य स्वयंसेविका कमला गौतम, तीर्थप्रसाद गौतम, गंगा गौतम र गंगाप्रसाद चौलागाई लगायत गम्भिर घाइतेलाई एम्बुलेन्स र अनरिको यातायातकै अर्को बसमार्फत धुलिखेल अस्पतालतर्फ पठाइएको छ ।

जिल्ला प्रहरी कार्यालय रामेछापका प्रहरी नायब उपरीक्षक सन्तोषकुमार भट्टराईका अनुसार काठमाडौंबाट यात्रु बोकेर लखनपुरको रिठ्ठे जाँदै गरेको अरनिको कोशीपारि यातायातको बा २ ख ७२४२ नम्बरको बस लखनपुरको बराको रुख घुम्तीबाट करिब २ सय मिटर तल खसेर दुर्घटना भएको थियो।
दुर्घटनामा परेको बसका चालक फरार रहेका छन्।