काठमाडौँ । संघीय समाजवादी फोरम नेपाल र नयाँ शक्ति नेपालबीच एकीकरण भई बनेको समाजवादी पार्टी नेपाल आज निर्वाचन आयोगमा दर्ता हुदैँछ ।
काठमाडौँ । संघीय समाजवादी फोरम नेपाल र नयाँ शक्ति नेपालबीच एकीकरण भई बनेको समाजवादी पार्टी नेपाल आज निर्वाचन आयोगमा दर्ता हुदैँछ ।
गत वैशाख २३ गते एकता घोषणा भएको समाजवादी पार्टी, नेपाललाई दर्ता गराउन आज नेताहरु निर्वाचन आयोग जादै छन् । पूर्व प्रधानमन्त्री डा. बाबुराम भट्टराईले नेतृत्व गरेको नयाँ शक्ति र उपप्रधानमन्त्री तथा स्वास्थ्य मन्त्री उपेन्द्र यादवले नेतृत्व गरेको संघीय समाजवादी फोरम मिलेर बनेको समाजवादी पार्टीलाई निर्वाचन आयोगमा दर्ता गराउन ढिलाइ भएका कारण उठेका विभिन्न प्रश्नहरुलाई रोक्न बिहीबार पार्टी दर्ता गराउने निर्णय गरिएको पार्टी नेताहरूले बताएका छन् । राजपा लगायतका दललाई मिलाएर पार्टीलाई निर्वाचन आयोगमा दर्ता गर्ने योजना भए पनि सरकार छोड्ने र सरकारमा बस्ने भन्ने दुई धारको समाचारका कारण यसलाई तत्कालै टुंगो लगाउने निर्णय भएको नेताहरुले बताए ।
एकीकृत पार्टीको झण्डा पूर्वफोरम नेपालकै हुनेछ भने चुनाव चिन्हपछि बुझाउने जनाइएको छ । २५ जना पदाधिकारीसहित ४३० जना केन्द्रीय सदस्यको नामावली दिएर पार्टी दर्ता गराउने भएको छ । केन्द्रीय समितिको अध्यक्षमा उपेन्द्र यादव र संघीय परिषद्का अध्यक्षमा डा.बाबुराम भट्टराई रहेका छन् । वरिष्ठ नेता अशोक राई, सहअध्यक्ष राजेन्द्र श्रेष्ठ, उपाध्यक्ष रकम चोम्जोङ, हेमराज राई, नवराज सुवेदी, पर्शुराम खापुङ, हिसिला यमी, युवराज कार्की, रेण्ुाकुमार यादव, लालबाबु राउत, महासचिव रनध्वज कन्दङ्वा, गंगानारायण श्रेष्ठ, रामसहाय यादव, उपमहासचिव दानबहादुर विश्वकर्मा, डम्बर खतिवडा, प्रकाश अधिकारी, सचिवहरुमा दुर्गा शोव, पर्शुराम बस्नेत, प्रशान्त सिंह, मोहम्मद इस्तियाक राई र कोषाध्यक्षमा विजयकुमार यादव रहेका छन् ।