Hamro Khabar

दुई थान पेस्तोल र आठ राउण्ड गोलीसहित भारतीय पक्राउ

हाम्रोखबर मङ्गलबार, जेष्ठ २८ २०७६

विराटनगर । प्रहरीले दुई थान पेस्तोल र आठ राउण्ड गोलीसहित विराटनगर महानगरपालिका– ९ बाट एकजना भारतीय नागरिकलाई पक्राउ गरेको छ ।

विराटनगर । प्रहरीले दुई पेस्तोल र आठ राउण्ड गोलीसहित विराटनगर महानगरपालिका– ९ बाट एकजना भारतीय नागरिकलाई पक्राउ गरेको छ ।

पक्राउ पर्नेमा भारत सीतामणि घर भएका २२ वर्षीय कुनालकुमार सिंह रहेका छन् । सिंहलाई सोमबार राति ८: ३० बजे हातहतियारसहित पक्राउ गरिएको जिल्ला प्रहरी कार्यालय मोरङले जनाएको छ । पक्राउ परेका सिंह अर्का साथीसँगै सोमबार दिउँसो १ बजे विराटनगरकै एउटा गेस्ट हाउसमा बसेका थिए । कोठा बुक गरेर बसेका दुईजनाको साथमा हतियार छ भन्ने गोप्य सूचनाका आधारमा वडा प्रहरी कार्यालय विराटनगरबाट डीएसपी बेदप्रसाद गौतमको नेत्रृत्वमा टोली परिचालन गरिएको थियो ।

गौतम नेत्रृत्वकै टोलीले हतियारसहित बसेको गेस्ट हाउसको कोठामा छापा मारेर सिंहलाई पक्राउ गरेको हो । उनीसँगै रहेका अर्का व्यक्ति भने फरार रहेकोे प्रहरीले जनाएको छ । उनको खोजि कार्य तिब्र पारिएको समेत प्रहरीले जनाएको छ ।

प्रहरीका अनुसार पक्राउ परेकाको साथबाट कटुवा र चाइनिज गरेर दुईवटा पेस्तोल र दुवैमा लोड हुने चार÷चार राउण्ड गरेर आठ राउण्ड गोली बरामद भएको छ । प्रहरीले पेस्तोलसहित नेपाल छिरेका भारतीय हतियार कारोबारी भएको हुन सक्ने आशंका गरेका छन् ।