Hamro Khabar

मनाङको मुख्य प्रशिक्षकमा लोप्साङ नियुक्त

हाम्रोखबर बुधबार, फागुन २२ २०७५

काठमाडौं । शहीद स्मारक ‘ए’ डिभिजन लिग विजेता मनाङ मस्र्याङ्दी क्लबको मुख्य प्रशिक्षकमा छिरिङ लोप्साङ नियुक्त भएका छन । घरेलु फुटबलको सर्बाधिक सफल क्लब मनाङले मुख्य प्रशिक्षकमा छिरिङलाई पुनःनियुक्त गरेको हो । लोप्साङले पाँच वर्षअघि पनि मनाङ मस्र्याङ्दी क्लब सम्हालेका थिए ।

छिरिङको नाम मुख्य प्रशिक्षकका रूपमा समावेश गर्दै मनाङले एएफसी कपका लागि खेलाडीको प्रारम्भिक सूची पठाएको छ । शहीद स्मारक ‘ए’ डिभिजन लिगमा सहभागी अधिकांश खेलाडीले एएफसी कप खेल्नेछन् ।

मनाङ क्लबको व्यवस्थापन भर्खरै मात्र परिवर्तन भएको थियो । प्रत्येक दुई वर्षमा परिवर्तन हुने नेतृत्व अनुसार क्लबको अध्यक्ष छिमी उर्गेन गुरुङ चयन भएका छन । क्लबको नेतृत्वमा छिमीको पुनरागमनसँगै छिरिङले मनाङको मुख्य प्रशिक्षकको जिम्मेवारी पाएका हुन ।

लोप्साङ नेपालबाट एएफसीको ‘ए’ ग्रेडको लाइसेन्स प्राप्त गर्ने पहिलो ब्याचका प्रशिक्षक समेत हुन । अघिल्लो महीना सम्पन्न शहीद स्मारक ‘ए’ डिभिजन लिगको उपाधि जित्दा मनाङको मुख्य प्रशिक्षकमा सुमन श्रेष्ठ थिए । श्रेष्ठले एन्फाको यू–२३ टोली सम्हालेलगत्तै मनाङले नयाँ प्रशिक्षक नियुक्त गरेको हो ।