अन्तराष्ट्रिय क्रिकेटबाट भारतीय क्रिकेटर युवराज सिहंले सन्यास लिने घोषणा गरेका छन् । ३७ वर्षीय क्रिकेटर सिहंले सोमबार मुम्बईमा पत्रकार सम्मेलन गरी आफनो क्रिकेट करिअरबाट आफूले सन्यास लिने घोषणा गरेका हुन् ।
एजेन्सी । अन्तराष्ट्रिय क्रिकेटबाट भारतीय क्रिकेटर युवराज सिहंले सन्यास लिने घोषणा गरेका छन् । ३७ वर्षीय क्रिकेटर सिहंले सोमबार मुम्बईमा पत्रकार सम्मेलन गरी आफनो क्रिकेट करिअरबाट आफूले सन्यास लिने घोषणा गरेका हुन् ।
सिहं २००७ को ट्वान्टी(ट्वान्टी विश्वकप र २०११ को एकदिवसीय विश्वकप क्रिकेटमा नायक बनेका थिए । उनले भारतका लागि २०१७ को जुनमा वेष्ट इन्डिजविरुद्ध अन्तिम एकदिवसीय क्रिकेट खेलेका थिए । अन्तिम ट्वान्टी ट्वान्टी खेल भने २०१७ को फ्रेबुअरीमा इङल्याण्डविरुद्ध खेले । तर पछिल्लो समय उनले कुनै पनि क्रिकेट प्रतियोगितामा सहभागिता जनाएका थिएनन् ।
पत्रकार सम्मेलनमा सिहंले पछिल्लो समय सफलता पनि नमिलेको र मौका पनि नपाएको बताए । सन् २००० मा क्रिकेट करिअर सूरुगरी १९ वर्षपछि सन्यासको योजनामा पुगेको जानकारी दिए । उनले भारतका लागि ३०४ एकदिवसीय क्रिकेटमा आठ हजार ७०१ रन बनाएका छन् । ५८ ट्वान्टी(ट्वान्टी क्रिकेट खेलेका उनले ११ सय ७७ रन बनाएका छन् ।