दशौं महाधिवेशनमा अध्यक्ष पदमा सर्वसम्मत चुनिएर इतिहास रच्ने दाउमा रहेका अध्यक्ष केपी शर्मा ओलीलाई संस्थापनइतर पक्षका आंकाक्षी उपाध्यक्ष डा. भीमबहादुर रावलले टक्कर दिएपछि ओलीको इगोमा ठेस लागेको छ ।
काठमाडौं । दशौं महाधिवेशनमा अध्यक्ष पदमा सर्वसम्मत चुनिएर इतिहास रच्ने दाउमा रहेका अध्यक्ष केपी शर्मा ओलीलाई संस्थापनइतर पक्षका आंकाक्षी उपाध्यक्ष डा. भीमबहादुर रावलले टक्कर दिएपछि ओलीको इगोमा ठेस लागेको छ । आफू अध्यक्षमा दोहोरिनलाई नै उमेर हदसमेत त्यही अनुकल बनाएका ओलीलाई अन्तिममा आएर अहिलेका उपाध्यक्ष रावलसँग चुनाव नै लड्नु पर्ने स्थिति आएपछि तनावमा छन् ।, रावलको अडानले अधिबेशनको कार्यतालिका समेत प्रभावित बनेको छ । बिहान ८ बजे शुरु गर्ने भनिएको निर्वाचन प्रक्रिया अझै शुरु भएको छैन् । अध्यक्ष मण्डलको अनुमति नआएकाले प्रक्रिया शुरु हुन नसकेको हो ।
अझै पनि रावलाई मनाउने कि गलाउने प्रयासमा ओली छन् । उपाध्यक्षमै दोहोर्याउन रावललाई आग्रश समेत गरेका छन्। तर रावल भने कुनै पनि हालतमा अध्यक्षमा दाबी नछोड्ने पक्षमा छन् । लोकतान्त्रिक भनिएपनि एमालेले स्वतन्त्र निर्वाचन भने गराउँदैन । रावलले दाबी नछोडेपछि उपमहासचिव विष्णु पौडेलमार्फत ओलीले अर्को खेल खेले । शनिबार अध्यक्ष केपी शर्मा ओलीलाई केन्द्रीय कमिटीको सूची प्रस्ताव गर्ने अधिकार दिने प्रस्ताव उपमहासचिव विष्णु पौडेलले बन्दसत्रमा प्रस्तुत गरे । जसमा रावलले विरोध जनाएपनि पारित गरिएको थियो । रावलाई बोल्नसमेत नदिएर ओली पक्षथरले हुटिङ लगाएका थिए । तर रावलले ठुलै स्वरमा सहमतिको रटान लगाइरहेका नेताहरुलाई सोधे, ‘हामीले विधानको विपरीत कुनै प्रस्ताव पारित गर्न सक्छौं रु सक्दैनौं । मिल्दैन । कि त हामीले के भन्नुपर्यो भने अब उपरान्त निर्वाचन हुनेछैन । फलानोले यसरी नाम प्रस्तावित गर्यो भने त्यसैमा हुनेछ भनेर विधानमा लेख्नुपर्यो । के हामी त्यहीँ बाटोमा जान खोजेको हो रु जनताको बहुदलीय जनवादले त्यतै निर्दिष्ट गरेको हो ? विगतका महाधिवेशनबाट हामी जुन बाटोबाट गएर नेकपा एमालेलाई देशको सुदृढ संगठन बनायौं, कि त्यो बाटोबाट बनाएका हौं र? निर्वाचित र लोकतान्त्रिक प्रणालीले पार्टीलाई फुटाएको हो ?
तर पनि पौडेललेको प्रस्ताव पारित भयो ।आज ओलीले कमिटीको सूची तयार पार्ने छन्। तर अध्यक्षमा पदमा भने ओलीले रावललाई फकाउन सकेका छैनन् । यो आलेख तयार पार्दासमेत रावलले अध्यक्षमा दाबी छाडेका छैनन् ।
आफूइतरको व्यक्तिका फरक मतलाई बलमिच्याई गरेर भएपनि अगाडी बढ्ने ओलीले अब रावललाई कसरी गलाउछन् वा फकाउँछन् भन्ने अझै टुंगो छैन । आइतबार बिहान ओली र रावलको भेटको प्रयास भइरहेको छ । ओली निकट नेताहरुले रावललाई वरिष्ठ उपाध्यक्षमा मान्न प्रस्ताव गरेका छन् । रावलले ओलीसँग भेट गर्न चाहेपछि अहिले दुबै नेतालाई भेट्ने बातावरण तयार हुँदै छ ।
एमाले अन्तरसंघर्षमा माधव नेपाल पक्षमा रहेका भीम रावललाइ पेलेरै भएपनि ओली सर्वसम्मतको प्रयासमा हुने छन् । सवैसम्मत अध्यक्षको इतिहास रच्न लालायित ओलीको इगोमा हट भएको छ । तर आफूलाई चुनौती दिँदै अध्यक्षमै प्रतिस्पर्धा गर्ने घोषणा गरिसकेका व्यक्तिसँग सौदाबाजी गर्न पनि ओलीलाई उनको इगोले दिइरहेको छैन। अब कसरी ओली र रावल कसी अघि बढ्छन् हेर्न बाँकी छ ।