Hamro Khabar

राजपाल यादवको कमब्याक : बिग बोस १३ मा देखिदै

एजेन्सी बुधबार, जेष्ठ २२ २०७६

मुंबई । बलिउडका चर्चित हास्य कलाकार राजपाल यादव टेलिभिजको सबैभन्दा ठुलो रियालिटि शो बिग बोस १३ मा देखिने भएका छन् ।

चर्चित हास्य कलाकार राजपाल यादव केहि दिन अगाडी जेल बाट बाहिर निस्केका थिए । उनीमाथि ऋण नतिरेको अरोप थियो । उनले २०१० मा फिल्म बनाउनको लागी एक कम्पनीबाट ५ कराडको ऋण लिएका थिए । यसैकारण त्यसबेला राजपालको निक्कै र्चचा भएको थियो । तर अब फेरि उनी एक्टरको रुपमा देखा पर्नेछन् । खबर आएको छकि उनी अब टिभिको सबैभन्दा ठुलो रियालिटि शो बिग बोस १३ मा देखिदै छन् ।

एक भारतिय मिडियाका अनुसार उनलाई यो शो को लागि प्रस्ताव गरिएको थियो । जेल भएकै कारण उनले धेरै फिल्म गुमाउनु परेको थियो । उनले भने ,‘मैले केहि व्यक्ति माथि विश्वास गरेको थिए ,जसले पछि यसको फाइदा उठायो ,तर अब म यसको बारेमा केहि भन्न चाहन्न , म मात्र अगाडी बढ्न चाहान्छु ,किनकी मलाई थाहा छ अझै जिन्दगी बाँकी छ ।’

राजपाल यादव बलिउडमा निक्कै नाम चलेको हास्य कलाकार हुन् । राजपालले धेरै फिल्महरु जस्तै भुल भुलैया, मालामाल वीकली, कल हो ना हो , दे दना दन, भुतनाथ लगाएतका फिल्महरुमा काम गरिसकेका छन् ।
।