Hamro Khabar

७०८ जनामा संक्रमण पुष्टि हुँदा ९३२ जना कोरोना संक्रमण मुक्त

हाम्रोखबर शुक्रबार, कात्तिक ५ २०७८

पछिल्लो २४ घण्टामा ९३२ जना कोरोना संक्रमण मुक्त भएका छन्। त्यस्तै ७०८ जनामा कोरोना भाइरस संक्रमण पुष्टि भएको छ।

काठमाडौं । पछिल्लो २४ घण्टामा ९३२ जना कोरोना संक्रमण मुक्त भएका छन्। त्यस्तै ७०८ जनामा कोरोना भाइरस संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार ७ हजार २५३ पीसीआर परीक्षण गर्दा ५७४ जना र २ हजार १२३ जनाको एन्टिजेन परीक्षण गर्दा १३४ गरी ७०८ जनामा कोरोना भाइरसको संक्रमण देखिएको हो।यस्तै पछिल्लो २४ घण्टामा कोरोना संक्रमणबाट ११ जनाको मृत्यु भएको छ। यससँगै कूल मृतकको संख्या ११ हजार ३३७ पुगेको छ।

कूल निको हुनेको संख्या ७ लाख ८५ हजार ८१३ पुगेको छ। कूल संक्रमितको संख्या पीसीआर विधिबाट ८ लाख ८ हजार ९६ र एन्टीजेनबाट ९३ हजार ९०५ पुगेको छ।

नेपालमा हाल १० हजार ९४६ जना सक्रिय संक्रमित रहेका छन्।