Hamro Khabar

प्रियंका चोपडाको भारतीय प्रधानमन्त्री बन्ने चाहना

हाम्रोखबर सोमबार, जेष्ठ २० २०७६

प्रियंकाले हालै दिएको एक अन्तर्वार्तामा राजनीतिक महत्वाकांक्षाको बारेका कुराकानी गरेकी छिन् । उनले आफूलाई कुनै दिन भारतको प्रधानमन्त्री बन्ने इच्छा रहेको बताएकी छिन् ।

बलिउड अभिनेत्री प्रियंका चोपडा हरेक दिन कुनै न कुनै कुराका कारण चर्चामा आइरहेकी हुन्छिन् ।
उनले सामाजिक सञ्जालमा शेयर गरेका तस्बिर तथा कुनै अन्तर्वार्तामा गरेको कुराकानी पनि चर्चामा आउने गरेको छ ।
मोडलिङबाट करियरको सुरुवात गरकी प्रियंकाले मिस वर्ल्डको ताज जितेर आफूलाई त्यहाँसम्म मात्रै सीमित राखिनन् । बलिउडमा स्थापित अभिनेत्रीको रुपमा लाखौं दर्शकको मन जितेकी उनले एकाएक हलिउडमा पाइला टेकिन् ।
प्रियंकाले हालै दिएको एक अन्तर्वार्तामा राजनीतिक महत्वाकांक्षाको बारेका कुराकानी गरेकी छिन् । उनले आफूलाई कुनै दिन भारतको प्रधानमन्त्री बन्ने इच्छा रहेको बताएकी छिन् ।
यति मात्रै होइन प्रियंकाले उनका पति निक जोनसले पनि कुनै दिन अमेरिकाको राष्ट्रपतिको चुनाव लडून् भन्ने चाहना रहेको बताएकी छिन् । निकलाई राजनीतिमा कुनै इच्छा नरहेको पनि उनले जानकारी दिइन् ।
प्रियंका चोपडा अभिनेता फरहान अख्तर र जायरा वसीमका साथ फिल्म ‘स्काइ इज पिंक’ मार्फत बलिउडमा कमब्याक गर्ने तयारीमा छिन् ।