नेकपा एमालेका वरिष्ठ नेता माधवकुमार नेपाल पक्षले आजका लागि केन्द्रीय समिति बैठक बोलाएको छ। राजधानीमा बोलाइएको बैठकमा देशभरका केन्द्रीय सदस्यहरु सहभागी हुने नेपाल पक्षले बताएका छन्। आज बस्ने बैठकले सरकारमा जाने अथवा नजाने औपचारिक निर्णय गर्ने नेताहरूले बताएका छन् ।
काठमाडौं । नेकपा एमालेका वरिष्ठ नेता माधवकुमार नेपाल पक्षले आजका लागि केन्द्रीय समिति बैठक बोलाएको छ। राजधानीमा बोलाइएको बैठकमा देशभरका केन्द्रीय सदस्यहरु सहभागी हुने नेपाल पक्षले बताएका छन्। आज बस्ने बैठकले सरकारमा जाने अथवा नजाने औपचारिक निर्णय गर्ने नेताहरूले बताएका छन् ।
माधव पक्षको निर्णय कुरेर बसेका प्रधानमन्त्री शेरबहादुर देउवाले शुक्रबार मन्त्रिपरिषद् विस्तार गर्ने बताएपछि सरकारमा जाने नजानेबारे आजको बैठकले निर्णायक निर्णय गर्ने बताइएको छ ।
तर
संस्थापन अर्थात केपी ओली समूहले आजको बैठकलाई अनधिकृत भन्दै ध्यानाकर्षण भएको जनाएको छ। नेकपा (एमाले) ले पार्टीका नाममा पटकपटक अवैधानिकरूपमा बैठक गर्ने पक्षबाट सजग रहन भन्दै विज्ञप्ति नै निकालेको छ ।
बुधबार एमालेको केन्द्रीय कार्यालयका सचिव शेरबहादुर तामाङले विज्ञप्ति जारी गरी यही साउन २१ गते पार्टीको कुनै आधिकारिक बैठक नभएको जनाएका हुन् ।