Hamro Khabar

'पोर्नफिल्म' बनाएको आरोपमा शिल्पा सेट्टीका श्रीमान् राज कुन्द्रा पक्राउ

हाम्रोखबर मङ्गलबार, श्रावण ५ २०७८

भारतीय अभिनेत्री शिल्पा सेट्टीका श्रीमान् राज कुन्द्रा पक्राउ परेका छन् । अश्लील (पाेर्न) फिल्म बनाएर विभिन्न एपमा रिलिज गरेको अभियोगमा उनलाई सोमबार राति मुम्बइ प्रहरीले पक्राउ गरेको हो ।

काठमाडौं । भारतीय अभिनेत्री शिल्पा सेट्टीका श्रीमान् राज कुन्द्रा पक्राउ परेका छन् । अश्लील (पाेर्न) फिल्म बनाएर विभिन्न एपमा रिलिज गरेको अभियोगमा उनलाई सोमबार राति मुम्बइ प्रहरीले पक्राउ गरेको हो ।

मुम्बइ प्रहरीले कुन्द्राको अभियोगमा प्रशस्त प्रमाण भेटिएकाले मंगलबार नै उनलाई अदालतमा पेस गरिने तयारी गरेको छ । यस अभियोगमा कुन्द्राभन्दा अघि चारजना पक्राउ परिसकेका छन् । कुन्द्रलाई मुख्य आरोपी बनाइएको छ ।

गत फेब्रुअरीमा उनीविरुद्ध अश्लील फिल्न बनाएर एपमा रिलिज गरेको अभियोगमा प्रहरीमा निवेदन परेको थियो । यही अभियोगमा कुन्द्रालाई पक्राउ गरेको मुम्बइ प्रहरीले जनाएको भारतीय सञ्चार माध्यमले उल्लेख गरेको छ । फिल्म खेल्न इच्छा राख्ने सोझा युवतीहरुलाई यस्तो अश्लील फिल्म सुटिङ गरी एपमा राख्ने गरेको आरोप कुन्द्रमाथि लागेको भातरीय मिडियाले लेखेका छन् ।