कलाकार तथा निर्देशक दीपाश्री निरौला र अभिनेता सरोज खनालको फेसबुक पेज ह्याक भएको छ ।
काठमाडौं । कलाकार तथा निर्देशक दीपाश्री निरौला र अभिनेता सरोज खनालको फेसबुक पेज ह्याक भएको छ ।
कलाकार निर्माता दीपकराज गिरीले यसको जानकारी दिँदै सामाजिक संजालमा स्टाटस लेखेकाे छन् ।
ह्याकरले पेज ह्याक गर्दै पैसा माग्न थालेको गिरीले जानकारी दिएका छन् । पछिल्लो समय चलचित्रकर्मीको फेसबुक पेज ह्याकरको निसानामा पर्न थालेको उनले उल्लेख गरेका छन् ।
‘दीपाजीको फ़ेसबुक ह्याक भएको छ । सरोज खनाल दाइको पनि फ़ेसबुक ह्याक भएको छ । ह्याकरले चलचित्रकर्मीको फ़ेसबुक ह्याक गर्दै पैसा माग्न थालेको छ । अत सजक हुनुहोला,’ दीपकराजले बिहीबार दिउँसो सामाजिक सञ्जालमा लेखेका छन् ।