काठमाडौं । उद्योग, वाणिज्य तथा आपूर्ति मन्त्रालयमा बुधबार दिउसो केहीबेर बबाल मच्चिएको छ । मन्त्री यादवका निजी सचिव प्रेम आचार्यले घूस खाएर आफूहरुलाई सरुवा गरेको आरोप लगाउँदै केही कर्मचारीले होहल्ला गरेपछि बबाल मच्चिएको हो । कर्मचारीहरु उपसचिव शोभाकर रेग्मी, शाखा अधिकृत विश्वबन्धु रेग्मी लगायतका कर्मचारीको समूह निजी सचिव आचार्यले घूस खाएको भन्दै उनकै कार्यकक्षमा होहल्ला गर्न पुगेका थिए ।
काठमाडौं । उद्योग, वाणिज्य तथा आपूर्ति मन्त्रालयमा बुधबार दिउसो केहीबेर बबाल मच्चिएको छ । मन्त्री यादवका निजी सचिव प्रेम आचार्यले घूस खाएर आफूहरुलाई सरुवा गरेको आरोप लगाउँदै केही कर्मचारीले होहल्ला गरेपछि बबाल मच्चिएको हो ।
कर्मचारीहरु उपसचिव शोभाकर रेग्मी, शाखा अधिकृत विश्वबन्धु रेग्मी लगायतका कर्मचारीको समूह निजी सचिव आचार्यले घूस खाएको भन्दै उनकै कार्यकक्षमा होहल्ला गर्न पुगेका थिए ।
घूस लिई सरुवा गरेको भन्दै निजी सचिव आचार्य र कर्मचारीबीच भनाभन भएपछि कार्यकक्षमा रहेका मन्त्री यादव जंगिँदै बाहिर निस्केका थिए । मन्त्री यादवले घूस खाको भन्ने? प्रमाण के छ पुष्टि गर । नत्र थुन्छु भनेर ढोका लगाउन निर्देशन दिएका थिए । त्यसपछि होहल्ला गर्ने कर्मचारीहरु भागेका थिए । सो क्रममा मन्त्री यादवले केहि कर्मचारीहरुको कठालो समाउन पनि भ्याएका थिए । जसले तनाबलाई उग्र बनाएको थियो ।