Hamro Khabar

निफ्राकाे सेयर मूल्य आज पनि उकालो लाग्यो

हाम्रोखबर सोमबार, फागुन १० २०७७

धितोपत्रको दोस्रो बजारमा गतहप्ताबाट कारोबार शुरु गरेको नेपाल इन्फ्रास्ट्रक्चर बैंक (निफ्रा) को सेयर मूल्यमा हरेक दिन ‘पोजेटिभ सर्किट’ लागिरहेको छ।

काठमाडौं । धितोपत्रको दोस्रो बजारमा गतहप्ताबाट कारोबार शुरु गरेको नेपाल इन्फ्रास्ट्रक्चर बैंक (निफ्रा) को सेयर मूल्यमा हरेक दिन ‘पोजेटिभ सर्किट’ लागिरहेको छ।

शुरुवाती कारोबार मूल्य ३४० रुपैयाँ कायम भएर फागुन २ गतेबाट दोस्रो बजारमा कारोबार भएको निफ्राको प्रतिसेयर मूल्य सोमबारसम्म ६६० रुपैयाँ पुगेको छ।

सुरुवाती मुल्य राम्रो पाएको निफ्राको सेयर अझै केहि दिन बढ्ने अनुमान गरिएको छ । अस्वभाविक रुपमा सेयर खरिदमा देखिएको चाप र बिक्रि गर्न चाहने सुन्य हुनुले पनि मूल्य थप बढ्न सक्ने अनुमान गरिएको हो।

सूचीकृत सेयर संख्याको आधारमा हालसम्मकै सबैभन्दा ठूलो संस्था निफ्राको बजार पूँजीकरण सोमबारसम्ममा १ खर्ब ३२ अर्ब रुपैयाँ बराबर पुगेको छ। कूल २० करोड कित्ता सेयर सूचीकृत रहेको यो संस्थाले सर्वसाधारणका लागि ८ करोड कित्ता प्राथमिक सेयर ९आइपिओ० जारी गरेको थियो भने आइपिओ भरेका सबै १४ लाख ५० हजार जनाले सेयर पाएका थिए।