Hamro Khabar

पूर्वप्रधानमन्त्री भट्टराईको भारतमा आज स्वास्थ्य परीक्षण हुँदै

हाम्रोखबर सोमबार, फागुन १० २०७७

पूर्वप्रधानमन्त्री तथा जनता समाजवादी पार्टीका संघीय परिषद अध्यक्ष डा.बाबुराम भट्टराईको आज भारतको नयाँ दिल्लीस्थित अस्पतालमा स्वास्थ्य परीक्षण हुँदैछ ।

काठमाडौं । पूर्वप्रधानमन्त्री तथा जनता समाजवादी पार्टीका संघीय परिषद अध्यक्ष डा.बाबुराम भट्टराईको आज भारतको नयाँ दिल्लीस्थित अस्पतालमा स्वास्थ्य परीक्षण हुँदैछ ।

भट्टराईको भारतको नयाँ दिल्लीस्थित इन्स्टिच्युट अफ लिभर एण्ड बिलिअरी साइन्सेसमा स्वास्थ्य परीक्षण गरिन लागेको हो। दिउँसो साढे १ बजे उनको स्वास्थ्य परीक्षण डा. प्रोफेसर विक्रम भाटियाद्वारा हुने उनका प्रेस सहयोगी विश्वदीप पाण्डेले जानकारी दिएका छन् । स्वास्थ्य परीक्षण र चिकित्सकसँगको परामर्शपश्चात मात्रै रोगको निर्क्यौल हुने र साथै उपचारको बारेमा के कसो गर्ने भन्ने टुंगो लाग्नेछ। उनको पेटमा न्युरो–इन्डोक्राइनको ट्युमर भएको आशंका गरिएकाे छ ।