१२ औं संस्करणको इण्डियन प्रिमियर लिग (आईपीएल) क्रिकेटको उपाधि मुम्बई इन्डियन्सले जितेको छ । आइतबार साविक विजेता चेन्नई सुपर किंग्सलाई १ रनले पराजित गर्दै मुम्बईले आईपीएल उपाधि जितेको हो ।
एजेन्सी । १२ औं संस्करणको इण्डियन प्रिमियर लिग (आईपीएल) क्रिकेटको उपाधि मुम्बई इन्डियन्सले जितेको छ । आइतबार साविक विजेता चेन्नई सुपर किंग्सलाई १ रनले पराजित गर्दै मुम्बईले आईपीएल उपाधि जितेको हो ।
हैदरावादस्थित राजिब गान्धी क्रिकेट स्टेडियममा मुम्बईले दिएको १५० रनको सामान्य लक्ष्य पछ्याएको चेन्नईले पुरै २० ओभर खेल्दै ७ विकेट गुमाएर १४८ रन मात्र बनाउन सक्यो ।
रोमान्चक बनेको खेलमा चेन्नईलाई अन्तिम बलमा २ रन चाहिएको थियो तर मुम्बईका लासिथ मालिङ्गाले सार्दुल ठाकुरलाई एलबीडब्लु आउट गरेपछि मुम्बई विजयी भयो ।
चेन्नईको लागि ओपनर वाटशनले सानदार पाली खेले । तर उपाधी रक्षा गर्न भने सकेनन् । उनी ५९ बलमा ८० रन बनाउदै आउट भए । चेन्नईका ओपनर फाफ डु प्लेसिस र शेन वाटशनले पहिलो विकेटका लागि ४ ओभरमा ३३ रनको साझेदारी गर्दै मध्यम सुरुवात दिलाएका थिए । दशौं ओभरको दास्रो बलमा राहुल चाहरले सुरेश रैनालाई ८ रनमा एलवी डब्लू आउट गरे । महेन्द्र सिंह धोनी २ रनमा आउट भएपछि चेन्नई संकटमा परेको थियो । चेन्नई जुन समय ८२र४ को कमजोर अवस्थामा पुगेको थियो । १६ औं ओभरमा लाथिस मलिङ्गालाई १ छक्का र शेन वाटशनले ३ चौका प्रहार गर्दै २० रन बटुलेपछि चेन्नई पुन खेलमा फर्किएको भए पनि जितका लािग पर्याप्त भएन ।
त्यस अघि टस जितेर पहिला ब्याटिङ थालेको मुम्बईले निर्धारित २० ओभरमा ८ विकेटको क्षतिमा १ सय ४९ रन बनाएको थियो । मुम्बईका लागि केइरन पोलार्डले सर्वाधिक ४१ रन बनाएका थिए । ओपनर क्वीन्टन डि ककले २९ रन बनाए भने इशान किसनले २३ रन, हार्दिक पाण्ड्याले १६ रन बनाए । रोहित शर्मा र सूर्यकुमार यादवले १५–१५ रन बनाए ।
चेन्नईका दिपक चाहरले ३ विकेट लिए । यस्तै इमरान ताहिर र सार्दुल ठाकुरले २र२ विकेट लिए ।
योसंगै मुम्बईले कीर्तिमानी चौंथो पटक आईपीएलको उपाधि जितेको छ । यस्तै मुम्बईले यस सिजन चेन्नईलाई लगातार चौंथो खेलमा पराजित गर्दै उपाधि हात पार्यो । यसअघिका सिजनमा तीन खेलमा उपविजेता बन्दा दुई खेलमा मुम्बईसँगै पराजित बनेको थियो ।