कोरोना संक्रमणका कारण स्वास्थ्य मन्त्रालयमा कार्यरत एक कर्मचारीको मृत्यु भएको छ ।
काठमाडौं । कोरोना संक्रमणका कारण स्वास्थ्य मन्त्रालयमा कार्यरत एक कर्मचारीको मृत्यु भएको छ । मन्त्रालयको कम्प्युटर अधिकृतका रुपमा लामो समयदेखि कार्यरत कृष्ण गोपाल श्रेष्ठको मृत्यु भएको स्वास्थ्य तथा जनसंख्या मन्त्रालयका सह–प्रवक्ता डा. समिरकुमार अधिकारीले जानकारी दिएका छन् । ५१ वर्षीय श्रेष्ठ ललितपुर गोदावरीका बासिन्दा हुन् ।
सह–प्रवक्ता अधिकारीका अनुसार कोरोना संक्रमण भइ चिकित्सा विज्ञान स्वास्थ्य प्रतिष्ठान वीर अस्पतालमा उपचारत श्रेष्ठको आज निधन भएको हो ।