Hamro Khabar

२४ घण्टामा १० को मृत्यु, थप ३३९ मा संक्रमण

हाम्रोखबर सोमबार, माघ १२ २०७७

काठमाडौं । कोरोना संक्रमणबाट पछिल्लो २४ घण्टामा थप १० जनाको मृत्यु भएको जनाएको छ । उनीहरुको देशका बिभिन्न अस्पतालहरुमा उपचारका क्रममा मृत्यु भएको हो । योसहित हालसम्म कोरोना संक्रमणबाट मृत्यु हुनेको संख्या २०११ जना पुगेको स्वास्थ्य तथा जनसंख्या मन्त्रालयले सोमबार जनाएको छ ।
यसैगरी देशभर पछिल्लो २४ घण्टामा ३३९ थप जनामा कोरोना संक्रमण पुष्टि भएको छ । मन्त्रालयले जनाए अनुसार, योसहित हालसम्म देशमा संक्रमितको संख्या २,६९,७८९ पुगेको छ ।
त्यस्तै सोमबार ४०१ जना कोरोना संक्रमणमुक्त भएका छन । योसँगै निको हुनेको संख्या २,६४,५३८ पुगेको छ । मन्त्रालयका अनुसार, देशभर सक्रिय संक्रमितको संख्या ३२४० मा झरेको छ भने क्वारेन्टीनमा बस्नेहरुको संख्या १३२ जना मात्रै रहेको छ ।